votlendi

Upplýsingafundur um vottaða endurheimt votlendis.

ingunnkro@simnet.is (Ingunn Kro) — Tue, 05 Nov 2024 16:43:02 GMT

Er tækifæri fyrir þig í endurheimt votlendis?

New paragraph

Votlendissjóður stöðvar sölu kolefniseininga þar til vottun er í höfn

Tue, 31 Jan 2023 23:09:32 GMT

Votlendissjóður stöðvar sölu kolefniseininga þar til vottun
er í höfn

Vegna skorts á jörðum til endurheimtar votlendis og áhrifa krafna um vottun á fjármögnun verkefna, hafa stjórn Votlendissjóðs og framkvæmdastjóri ákveðið að draga úr rekstri sjóðsins þar til alþjóðleg vottun kolefniseininga sjóðsins er í höfn, en það ferli er þegar hafið. Fram að vottun verður látið af sölu kolefniseininga en sjóðurinn kallar þó áfram eftir samvinnu við landeigendur sem eru áhugasamir um minnkun losunar gróðurhúsalofttegunda, eflingu fuglalífs og lífs í vötnum og ám og/eða sölu alþjóðlega vottaðra kolefniseininga. Samið hefur verið við framkvæmdastjóra sjóðsins um starfslok en hann mun áfram verða stjórn sjóðsins innan handar við útistandandi verkefni.

Vinna við að afla Votlendissjóði alþjóðlega vottun er í fullum gangi. Tímaáætlun EFLU, verkfræðistofu, gerir ráð fyrir að vottunarferlinu ljúki á seinni hluta þessa árs og því standa vonir til þess að hægt verði að hefja vottaða endurheimt á seinni hluta ársins 2023 og sölu á virkum einingum, fyrir hönd áhugasamra landeigenda, á síðari hluta ársins 2024.

Á árinu 2022 endurheimti Votlendissjóður einungis 79 hektara af votlendi, sem er undir 0,1% af því sem talið hefur verið unnt að endurheimta hérlendis. Þetta voru stjórninni mikil vonbrigði og því þörf á að taka skref til baka og skoða heildarmyndina. Ýmsir þættir hafa haft neikvæð áhrif á öflun jarða til endurheimtar votlendis, svo sem skortur á fjárhagslegum hvötum til landeigenda, bið eftir formlegri staðfestingu á áhrifum endurheimtar votlendis á losun gróðurhúsalofttegunda frá íslensku votlendi, skortur á vottun og skortur á slagkrafti af hálfu stjórnvalda í málaflokknum. Með vottun vonast Votlendissjóður til þess að rutt verði úr vegi flestum þessara þröskulda.

Þá hefur umhverfi Votlendissjóðs tekið töluverðum breytingum frá því að sjóðurinn var stofnaður árið 2018. Sjóðurinn hefur í gegnum tíðina fjármagnað endurheimtarverkefni sín með sölu kolefniseininga sem verða til við framkvæmdirnar. Í takt við nýlega tækniforskrift um kolefnisjöfnun er lögð aukin áhersla á að slíkar einingar skuli vera vottaðar af þriðja aðila. Sjóðurinn tók þátt í vinnu Staðlaráðs við tækniforskriftina og fagnar því að komin sé fram skýr umgjörð um framleiðslu vottaðra kolefniseininga hér á landi og hvað felst í kolefnisjöfnun með loftslagsverkefnum. En þar sem Votlendissjóður er ekki kominn með vottun á kolefniseiningar sínar, takmarkar það möguleika hans til fjármögnunar verkefna.

Ingunn Agnes Kro, stjórnarformaður Votlendissjóðs: „Stjórn Votlendissjóðs þykir miður að þurfa að draga tímabundið saman seglin í starfseminni, þar sem hvert ár sem losun frá framræstu votlendi hefur verið stöðvuð telur í baráttunni gegn hlýnun jarðar. Stærsti kosturinn við endurheimt votlendis, sem náttúrumiðuð lausn í loftslagsbaráttunni, er að einungis tekur nokkra daga eða vikur frá framkvæmd þar til að losun gróðurhúsalofttegunda hefur minnkað verulega. En á meðan ekki fást jarðir til endurheimtar og möguleikar til fjármögnunar verkefnanna eru skertir, er það mat stjórnarinnar að þetta sé ábyrgasti kosturinn í stöðunni, samhliða því að unnið er að vottun. Stjórn sjóðsins vonast þó eftir áframhaldandi stuðningi samfélagsins við þetta mikilvæga verkefni. Við erum ennþá fullviss um að endurheimt votlendis sé ein besta og skilvirkasta loftslagsaðgerð sem stendur til boða á Íslandi.“

Frek ari upplýsingar veitir:
Ingu nn Agnes Kro, formaður stjórnar Votlendissjóðs:
ingunnkro@simnet.is , s: 851-8855,
eða
Þórunn Inga Ingjaldsdóttir, stjórnarmaður:
thorunn.inga.ingjaldsdottir@samskip.is , s: 779-3699.

Alþjóðleg vottun í vinnslu

einarb@votlendi.is (Einar Þór Bárðarson) — Tue, 25 Oct 2022 14:18:51 GMT

Ein af aðalforsendunum í þessu ferli er að fá meðaltalslosun hektara á Íslandi staðfesta og verkefni Eflu þessa daganna er að taka saman öll rannsóknargögn Landgræðslunnar og Landbúnaðarháskólans og setja saman í greinar sem fengju ritrýnda meðferð í viðurkenndum vísindaritum.

Fyrir um einu og hálfu ári síðan fór Votlendissjóður að skoða leiðir til þess að fá alþjóðlega vottun á þær kolefniseiningar, sem leiða af endurheimt votlendis.

Verkfræðistofan Efla vann fyrir minnisblað um hvað væru bestu kostirnir í stöðunni og eftir að hafa kynnt okkur nokkrar leiðir í þessu var ákveðið að sækjast eftir samstarfi við Verra (www.verra.org). Það kom á daginn í þessari vinnu Eflu að það eru alls ekki margir sem bjóða uppá vottaða ferla í endurheimt votlendis.

Vinnunni hefur verið stýrt af Alexöndru Kjeld umhverfisverkfræðingi hjá Eflu og þá hefur Helga Bjarnadóttir Efna- og verkfræðingur, sviðstjóri hjá Eflu og stjórnarmaður verið sjóðnum innan handar líka.

Sérfræðingar Landgræðslunnar, undir stjórn Dr. Þórunnar Wolfram, og Hlynur Óskarsson og Jón Guðmundsson frá Landbúnaðarháskólanum, hafa einnig aðstoðað við ferlið. Ein af aðalforsendunum í þessu ferli er að fá meðaltalslosun hektara á Íslandi staðfesta og verkefni Eflu þessa daganna er að taka saman öll rannsóknargögn Landgræðslunnar og Landbúnaðarháskólans og setja saman í greinar sem fengju ritrýnda meðferð í viðurkenndum vísindaritum.

Samhliða þessu er Votlendissjóðurðinn að vinna umsóknina. Næsta skref í þeirri vinnu er fundur með ráðherra og helstu sérfræðingum Umhverfis-, orku- og loftslagsráðuneytið í þeirri von að ráðuneytið komi eitthvað að þessu með sjóðnum.

Það er áhugavert að einnig er mögulegt að fá vottun á verkefni Votlendissjóðs sem unnið hafa verið fram til dagsins í dag, undir umsjón Landgræðslunnar. Það yrði því óvænt og ánægjuleg búbót fyrir landeigendur og kaupendur eininganna að geta uppfært einingar sínar yfir í vottaðar einingar.

Það er von stjórnar sjóðsins að á næsta ári verði allar seldar einingar sjóðsins vottaðar með alþjóðlegri vottun frá Verra.

Votlendissjóður tilnefndur til Umhverfisverðlauna Norðurlandaráðs.

einarb@votlendi.is (Einar Þór Bárðarson) — Thu, 01 Sep 2022 14:48:31 GMT

Umhverfisverðlaun Norðurlandaráðs eru veitt starfsemi eða einstaklingi á Norðurlöndum sem sett hefur fordæmi með því að samþætta virðingu fyrir umhverfinu í starfi sínu, eða með því að sýna frumkvæði á annan hátt að sértækum aðgerðum umhverfinu til góða

Rétt eftir hádegi í dag fimmtudaginn 1. september voru lesnar upp tilnefningar til umhverfisverðlauna Norðurlandaráðs, í beinni útsendingu frá Norðurlandahúsinu í Færeyjum. Þema umhverfisverðlauna Norðurlandaráðs 2022 er „Náttúrumiðaðar lausnir – alhliða svar við hinum stóru umhverfisáskorunum samfélagsins.” Umhverfisverðlaun Norðurlandaráðs eru veitt starfsemi eða einstaklingi á Norðurlöndum sem sett hefur fordæmi með því að samþætta virðingu fyrir umhverfinu í starfi sínu, eða með því að sýna frumkvæði á annan hátt að sértækum aðgerðum umhverfinu til góða.

Votlendissjóðurinn er tilnefndur til verðlaunanna í ár fyrir Íslands hönd. „Við erum svo einstaklega stolt af því að hljóta þessa tilnefningu og vera sett í sama flokk og allir sem hana hlutu í ár og allra þeirra sem hlotið hafa tilnefningar ráðsins í gegnum árin.” Sagði Ingunn Agnes Kro, formaður stjórnar Votlendissjóðs, þegar tilnefningarnar voru kynntar. „Þessi tilnefning er mikil viðurkenning fyrir sjóðinn og ekki síst fyrir frumkvöðulinn Eyþór Eðvarðssonar og þá einstaklinga, fyrirtæki og félagasamtök sem tóku þátt í því að gera þessa hugmynd að veruleika”

Votlendissjóðurinn er sjálfseignarstofnun sem er rekin á framlögum frá samfélagslega ábyrgum fyrirtækjum, félagasamtökum og einstaklingum. Endurheimt votlendis stöðvar losun koltvísýringsígilda, eflir líffræðilega fjölbreytni, fuglalíf og bætir vatnsbúskap í veiðiám.Umhverfisverðlaun Norðurlandaráðs eru ár hvert veitt einstaklingi, samtökum eða verkefni á Norðurlöndum sem lyft hefur grettistaki í þágu umhverfisverndar. Þema verðlaunanna er mismunandi frá ári til árs. Þema ársins er „Náttúrumiðaðar lausnir – alhliða svar við hinum stóru umhverfisáskorunum samfélagsins.”

Norðurlandaráð veitir fimm verðlaun ár hvert: bókmenntaverðlaun, kvikmyndaverðlaun, tónlistarverðlaun, umhverfisverðlaun og barna- og unglingabókmenntaverðlaun. Vinningshafarnir hljóta að launum verðlaunagripinn Norðurljós og 300 þúsund danskar krónur.https://www.norden.org/is/news/bein-utsending-tilkynnt-um-tilnefningar-til-umhverfisverdlauna-nordurlandarads-2022-0

Úttektar- aðilar eru fljótir að sjá í gegnum óvönduð vinnubrögð.

einarb@votlendi.is (Einar Þór Bárðarson) — Wed, 29 Jun 2022 08:55:33 GMT

Landgræðslustjóri gerir alvarlegar athugasemdir við rannsókn á losun ræktarlands sem birt var á dögunum. Í grein sem hann birtir í Bændablaðinu segir hann "Úttektar- aðilar eru fljótir að sjá í gegnum óvönduð vinnubrögð." Greinina má lesa í heild sinni hér að neðan.

Myndin er tekin á Hamraendum á Snæfellsnesi, vel heppnaðri endurheimt sem Iðunn Hauksdóttir hjá Landgræðslunni stýrði. Samtals um 100 hektara verkefni.

L oftslagsmál: Umræða á villigötum

Ýmislegt vantar upp á til að Ísland uppfylli þær kröfur sem gerðar eru til okkar vegna loftslagsmála. Þetta á sérstaklega við varðandi kröfur tengdar landnýtingarhluta Parísarsamningsins.

Vegna þessa hleypti umhverfis- og auðlindaráðuneyti af stað umbótaáætlun árið 2021 þar sem lagðar eru fram markvissar aðgerðir til að bæta úr þessari stöðu og gera okkur kleift að uppfylla þær kröfur sem gerðar eru vegna samvinnu Íslands við Evrópusambandið í loftslagsmálum.

Í umbótaáætluninni er þeim aðgerðum forgangsraðað sem eru taldar brýnastar en aðrar látnar bíða vegna umfangs verkefnisins. Megináhersla er lögð á tvær landgerðir, mólendi og votlendi, sem samanlagt þekja tæplega 70% landgerða skv. þeim skilgreiningum sem notaðar eru í loftslagsbókhaldinu. Þessar tvær landgerðir eru jafnframt ábyrgar fyrir tæplega 85% losunar miðað við stöðuna í dag. Landgerðin ræktarland tekur einungis til um 1% af heildarflatarmáli landgerða sem falla undir landnýtingarhluta loftslagssamningsins, þess vegna var henni ekki forgangsraðað hærra í umbótaáætlun UAR.

Hluti verkefna umbóta- áætlunarinnar felur í sér mat á útbreiðslu mismunandi jarðvegs innan hverrar landgerðar. Þetta stafar af því að jarðvegur er mjög fjölbreytilegur og mikilvægt að sá breytileiki sé endurspeglaður. Þannig er Landgræðslan í dag með tæplega 650 virk mælisvæði dreifð um allt land bara til að meta loftslagsáhrif vegna nýtingar mólendisflokksins. Landgræðslan er einnig að safna jarðvegssýnum til kolefnismælinga í GróLindarverkefninu og stefnt er að því að leggja út mælinet 1.500 reita á næstu árum til að fylgjast með ástandi og breytingum á ástandi lands.

Skógræktin er í dag með tæplega 1.300 mælisvæði um allt land til að fylgjast með loftslagsáhrifum skógræktar. Rannsóknahópur innan Landbúnaðarháskóla Íslands vinnur að mati á kolefnisforða úthaga og í því verkefni eru yfir 2000 mælireitir. Þær rannsóknir sem nauðsynlegar eru til að meta breytileika jarðvegs til notkunar í loftslagsbókhaldi Íslands LULUCF (landnotkun, breytt landnotkun og skógrækt) kallar einfaldlega á stórt sýnaúrtak og gríðarlega mikla vinnu – hjá því verður ekki komist.

Nýlega var til umfjöllunar í Bændablaðinu skýrsla annars rannsóknahóps innan Landbúnaðar- háskóla Íslands, „Langtímatap kolefnis í framræstu ræktarlandi“.

Rannsóknamarkmið hópsins voru þrjú:

1. Að greina breytileika í langtíma kolefnislosun framræsts lands eftir jarðvegsgerðum.

2. Að þróa viðurkennda íslenska losunarstuðla fyrir framræst ræktarland.

3. Að greina mögulegan breyti- leika í kolefnisbúskap eftir öðrum umhverfisþáttum og ræktunaraðferðum.

Hér þarf fyrst að draga fram að votlendisjarðvegur á Íslandi skiptist í þrjá meginflokka og hver þessara meginflokka er mismunandi að eiginleikum og ef gera á marktæka rannsókn til að varpa ljósi á þessa eiginleika, þá verður að miða fjölda sýnatökusvæða við það, þ.e. sýnafjöldi þarf að vera í tugum talið úr hverri landgerð.

Í fyrrnefndri rannsókn Land- búnaðarháskólans eru aðeins borin saman tvö svæði innan sama landshluta sem hvort um sig eru afar ólík, bæði hvað varðar ræktun sem og landnýtingu. Ekki er heldur ljóst um hvers konar votlendisjarðveg er að ræða sem hefur í upphafi verið ræstur fram, svæðin tvö eru því ósamanburðarhæf. Þetta atriði eitt og sér veldur því að útilokað er að draga einhverjar ályktanir af þessum niðurstöðum sem væri hægt að nýta til að áætla núverandi loftslagsáhrif vegna ræktunar. Til viðbótar reyndist ekki unnt að mæla jarðvegsþykkt framræsta landsins og einnig kom í ljós að jarðvegur hafði verið fluttur inn á annað rannsóknasvæðið. Niðurstöður rannsóknarinnar og ályktanir byggðar á þeim eru því vafasamar, í besta falli.

Í stuttu máli þá nær þessi rannsókn tæplega neinu þriggja meginmarkmiða sinna: Hún gefur engar upplýsingar um breytileika í langtímakolefnislosun, niðurstöðurnar er ekki hægt að nota til að reikna viðurkennda losunarstuðla, og hún gefur ekki neinar upplýsingar sem má nota til að meta breytileika eftir öðrum umhverfisþáttum.

Umfjöllun Bændablaðsins og mistúlkun horfir algjörlega framhjá fyrirvörum sem skýrsluhöfundar settu fram í skýrslunni. Látið var að því liggja að þarna væru komnar tímamótaniðurstöður sem eigi að nota til að endurskoða loftslagsáhrif sem fylgja nýtingu á framræstu landi, og að þau séu nú ofmetin. Umfjöllunin hratt af stað umræðu á samfélagsmiðlum og í öðrum fjölmiðlum sem átu upp mistúlkunina og hömpuðu skýrslunni sem mikilvægu innleggi og að það væri bara bull að endurheimta framræst votlendi. Allt sett fram að því er virtist án þess að kynna sér efni skýrslunnar eða önnur gögn.

Það voru mikil vonbrigði að Landbúnaðarháskólinn skyldi ekki leiðrétta þær mistúlkanir sem fram komu í Bændablaðinu og teknar voru upp í sama blaði af þingkonu nokkru síðar. Það er því miður enn talvert langt í land með að ljúka nauð- synlegum rannsóknum sem tengjast landnýtingarhluta loftslags- bókhaldsins.

Við vinnum eftir vel skilgreindum áætlunum, þar sem takmörkuðum fjármunum er forgangsraðað. Ísland notar bestu fáanlegu þekkingu hverju sinni og við munum ekki fá neinn afslátt þegar kemur að gæðum gagna og vísindalegum aðferðum loftslagsbókhaldsins, úttektar- aðilar eru fljótir að sjá í gegnum óvönduð vinnubrögð.

Árni Bragason,

landgræðslustjóri.

Sjá alla greinina á blaðsíðu 52 í Bændablaðinu nr. 12 / 2022

Votlendissjóður afhendir Vonina á alþjóðlegum degi jarðar

einarb@votlendi.is (Einar Þór Bárðarson) — Fri, 22 Apr 2022 15:22:37 GMT

Í dag föstudaginn, 22 apríl afhend forseti Íslands, Guðni Th. Jóhannesson, „Vonina“, þakklætis-viðurkenningu Votlendissjóðs .

Í dag föstudaginn, 22 apríl afhendir forseti Íslands, Guðni Th. Jóhannesson, „Vonina“, þakklætis-viðurkenningu Votlendissjóðs fyrir árið 2021. Viðurkenningin var veitt í fyrsta sinn í fyrra en þá fór hún til lista- og vísindafólks sem lagt hefur sjóðnum lið. Í ár eru það eigendur fyrstu jarðanna sem sjóðurinn hefur lokið endurheimt við sem hljóta Vonina. Afhendingin fer fram á veitingastaðnum Sjálandi í Garðabæ klukkan 14:00.

Alþjóðlegur dagur jarðar er í dag og á það vel við að afhenda Vonina á þessum degi enda er endurheimt votlendis eitt helsta vopn mannsins í baráttunni við hlýnun jarðar. Um leið er hún endurheimt vistkerfa og efling náttúrulegs fjölbreytileika. Samtals telja jarðirnar allar stöðvun upp á 5800 tonn - sem er það sama og losun 2900 fólksbíla.

Það eru eigendur jarðanna Hofs, Bleiksmýri, Krísuvíkurmýri, Grafarkots, Gottorps, Kirkjubóls í Korpudal, Horns og Skóga innan af Dynjandi og Fífustaðadals við Arnarfjörð sem fá Vonina í ár.

Nánar um eigendur jarðanna

Hjónin Jófríður Gilsdóttir og Þorfinnur S. Hermannsson eru eigendur Hofs. Það var fyrsta jörðin sem Votlendissjóður endurheimti og vann Þorfinnur verkið sjálfur. Fyrir þeirra hönd tekur Guðmundur Freyr Kristjánsson við Voninni. Samtals er svæðið 16 hektarar og því stöðvun losunar upp á 320 tonn af koldíoxíð á ári.

Hafnarfjarðarbær er eigandi Bleiks- og Krísuvíkurmýri. Það voru jarðir 2 og 3 sem sjóðurinn endurheimti. Þar er um að ræða 29 hektara í Bleiksmýri og 24 hektara í Krísuvíkurmýri. Samtals því 54 hektarar og stöðvun losunar upp á 1060 tonn á ári - til samanburðar eru það 530 fólksbílar á ári. Það er Rósa Guðbjartsdóttir bæjarstjóri sem tekur á móti þakklætis viðurkenningunni.

Bræðurnir Kristmann Örn Magnússon og Leifur Ragnar Magnússon ásamt fjölskyldum þeirra eru eigendur Grafarkots. Jörðin var endurheimt í upphafi Covid ársins 2020 og lauk vinnunni í apríl það ár. Samtals eru þar um 30 hektarar í allt og 600 tonn af árlegri losun stöðvuð. Kristmann Örn tekur á móti Voninni fyrir hönd eigenda.

Fjölskylda Steinþórs Hjaltasonar eru eigendur Gottorps. Þau endurheimtu þessa fornfrægu jörð síðsumar ársins 2020. Steinþór er verktaki sjálfur í Kópavogi og vann þetta í samráði við ráðgjafa Landgræðslunnar. Samtals eru þetta 33 hektarar sem um ræðir sem eru 660 tonn af árlegri losun sem var stöðvuð.

Páll Á. R. Stefánsson og fjölskylda eru eigendur Kirkjubóls í Korpudal. Þar fór endurheimt fram haustið 2020. Það voru verktakar Þotunnar á Bolungavík sem unnu það verkefni en jörðin var framræst árið 1972. Þar voru það 24 hektarar sem voru endurheimtir og samtals var stöðvuð losun upp á 480 tonn.

Víðir Birgisson og fjölskylda eru eigendur jarðanna Horns og Skóga . Samtals um 26 hektarar og 1040 tonn. Því verki lauk á vetrarsólstöðum í desember 2020 og var það mikið ævintýri þar sem svæðið er utan sólu á þeim tíma.

Ragnheiður Guðmundsdóttir er eigandi Fífustaðadals við Arnarfjörð. Þar fór endurheimt fram haustið 2021. Það var sameiginlegt verkefni verktaka Þotunnar og Suðurverks auk starfsmanns Landgræðslunnar. Þetta er lang stærsta verkefni sjóðsins til þessa og telur nærri 60 hekturum þegar allt er talið og um 1200 tonna stöðvum.

Samtals telja jarðirnar allar stöðvun upp á 5800 tonn - sem er það sama og losun 2900 fólksbíla.

Nánar um Votlendissjóð

Votlendissjóðurinn er sjálfseignarstofnun sem er rekin á framlögum frá samfélagslega ábyrgum fyrirtækjum, félagasamtökum og einstaklingum. Endurheimt votlendis stöðvar losun koltvísýringsígilda, eflir líffræðilega fjölbreytni, fuglalíf og bætir vatnsbúskap í veiðiám.

Ný stjórn Votlendissjóðs

einarb@votlendi.is (Einar Þór Bárðarson) — Wed, 06 Apr 2022 09:04:37 GMT

Ný stjórn Votlendissjóðs kom saman á sínum fyrsta stjórnarfundi síðasta mánudag.

Ný stjórn var kjörin ársfundi Votlendissjóðs 2022, þriðjudaginn 15. mars. En stjórnin kom saman á sínum fyrsta stjórnarfundi síðasta mánudag. Frá vinstri Ólafur Eggertsson bóndi nýr varaformaður stjórnar, Halldóra Kristín Hauksdóttir, eigandi Græneggja ehf. og stjórnarmaður í Bændasamtökum, Helga J. Bjarnadóttir verkfræðingur og sviðstjóri hjá Eflu, Bryndís Gunnlaugsdóttir Holm, lögfræðingur hjá Sambandi íslenskra sveitarfélaga og nýr ritari stjórnar, Sveinn Ingvarsson bóndi og fyrrum varaformaður stjórnar Bændasamtakana, Ingunn Agnes Kro lögfræðingur og nýr formaður stjórnar, Þórunn Inga Ingjaldsdóttir viðskiptafræðingur og forstöðumaður hjá Samskipum, Sigurður Torfi Sigurðsson ráðgjafi á rekstrar og umhverfissviði Ráðgjafarmiðstöð landbúnaðarins, Kristrún Tinna Gunnarsdóttir forstöðumaður stefnumótun og sjálfbærni hjá Íslandsbanka og Hjálmar Kristjánsson útgerðarmaður.

Framkvæmdaleyfi fyrir næstu verkefni Votlendissjóðs

einarb@votlendi.is (Einar Þór Bárðarson) — Thu, 24 Mar 2022 14:56:37 GMT

Síðustu daga hafa verið afgreidd tvö framkvæmdaleyfi fyrir framkvæmdir á vegum Votlendissjóðs

Síðustu daga hafa verið afgreidd tvö framkvæmdaleyfi fyrir framkvæmdir á vegum Votlendissjóðs. Hið fyrra er fyrir Brekku á Ingjaldssandi á Vestfjörðum og hið síðara er fyrir Berserkseyri við Grundarfjörð. Á sama tíma og sjóðurinn fagnar því að hafa fengið leyfin er ekki hægt að líta framhjá því hve langur afgreiðslutími á framkvæmdaleyfum sem þessum er, en báðar umsóknir voru sendar inn síðsumars 2021.

Hér er um að ræða viðgerð á framkvæmdum sem á sínum tíma lutu ekki framkvæmdaleyfa. Með öðrum orðum er verið að taka til og laga landsvæði, ekki bara í þágu stöðvunar losunar á koldíoxíð heldur er líka um að ræða náttúrvernd og endurheimt vistkerfa sem líka eru gríðarlega mikilvæg og verðmæt umræddum svæðum.

Á næstu misserum ætlar Votlendissjóður að líta í eigin barm og skoða hvort unnt sé að breyta einhverju innandyra, sem auðveldar skjótari vinnslu slíkra umsókna og hyggst á sama tíma leita til Sambands íslenskra sveitarfélaga og annarra er málið varðar, með það að leiðarljósi að einfalda þessa ferla, ef hægt er.

Myndin sem fylgir fréttinni er tekin við Brekku á Ingjaldssandi sumarið 2020.

Sveitarstjórnir eru í lykilhlutverki

einarb@votlendi.is (Einar Þór Bárðarson) — Thu, 24 Mar 2022 14:44:16 GMT

Votlendi njóta sérstakrar verndar sa mkvæmt náttúruverndarlögum

Endurheimt votlendis fellur ekki undir lög um mat á umhverfisáhrifum nr. 106/2000. Það gerir hins vegar framræsla lands. Framræslu sem hefur áhrif á þriggja hektara svæði eða stærra eða er á verndarsvæðum er ber að tilkynninga til Skipulagsstofnunar sem tekur ákvörðun um hvort framræslan sé háð umhverfismati. Sé framræst svæði undir 3 ha er það sveitarfélagsins að meta hvort framkvæmdin sé háð umhverfismati. Votlendi njóta sérstakrar verndar samkvæmt náttúruverndarlögum nr. 60/2013, sjá a-lið 1. mgr. 61. gr. Í samræmi við 3. mgr. sömu greinar skal forðast að raska votlendi nema brýna nauðsyn beri til. Það er því skylda að afla framkvæmdaleyfis til sveitarstjórna vegna framkvæmda sem hafa í för með sér slíka röskun.nt of your post

Námskeið fyrir vélaverktaka um endurheimt votlendis

einarb@votlendi.is (Einar Þór Bárðarson) — Thu, 24 Mar 2022 14:44:13 GMT

Rýnihópur vélaverktaka með reynslu a f endurheimt votlendis kom að gerð námskeiðsins og sammældist um að námskeiðið væri afar gagnlegt .

Námskeið fyrir vélaverktaka um endurheimt votlendisLandgræðslan býður áhugasömum vélaverktökum á námskeið þar sem farið er yfir vernd og endurheimt votlendis og þær aðferðir sem notaðar eru við framkvæmdir. Gott samstarf verktaka og fulltrúa Landgræðslunnar er lykilatriði í árangursríkri endurheimt. Rýnihópur vélaverktaka með reynslu af endurheimt votlendis kom að gerð námskeiðsins og sammældist um að námskeiðið væri afar gagnlegt og hefðu sjálfir vilja sitja það áður en þeir hófu sína vinnu við endurheimt.Undanfarin ár hefur Landgræðslan kynnt sér betur og þróað aðferðir við endurheimt mýra og árið 2019 kom út leiðbeiningarit fyrir framkvæmdaraðila þar sem farið er yfir helstu aðferðir við lokun skurða

https://land.is/namskeid-fyrir-velaverktaka-um-endurheimt-votlendis/

Árskýrsla Votlendissjóðs og reikningar samþykktir

einarb@votlendi.is (Einar Þór Bárðarson) — Thu, 17 Mar 2022 15:17:16 GMT

Árskýrsla Votlendissjóðs aðgengileg

Árskýrsla 2022 er nú komin á netið ásamt ársreikningum sjóðsins og hægt er að nálgast þær báðar undir síðunni "Um okkur" undir liðnum "Útgefið efni" eða með því að smella hér fyrir árskýrslu 2022 fyrir skýrsluna og hér á ársreikningur Votlendissjóðs fyrir árið 2021 .

Breytingar á stjórn Votlendissjóðsins

Thu, 17 Mar 2022 15:00:41 GMT

Ný stjórn var kjörin ársfundi Votlen dissjóðs 2022 þann 15. mars.

Ný stjórn var kjörin ársfundi Votlendissjóðs 2022, þriðjudaginn 15. mars. Endurkjörin voru þau Helga J. Bjarnadóttir verkfræðingur, Hjálmar Kristjánsson útgerðarmaður, Ingunn Agnes Kro lögfræðingur, Ólafur Eggertsson bóndi, Sveinn Ingvarsson bóndi og Þórunn Inga Ingjaldsdóttir viðskiptafræðingur. Þá voru kjörin ný inn til stjórnarstarfa þau Bryndís Gunnlaugsdóttir Holm, lögfræðingur hjá Sambandi íslenskra sveitarfélaga, Kristrún Tinna Gunnlaugsdóttir, forstöðumaður hjá Íslandsbanka - stefnumótun og sjálfbærni, Sigurður Torfi Sigurðsson, verkefnastjóri lífræns landbúnaðar og Halldóra Kristín Hauksdóttir, eigandi Græneggja ehf. og stjórnarmaður í Bændasamtökum og lögfræðingur. Bjóðum við þau hjartanlega velkomin til starfa og hlökkum til samstarfsins.

Brautryðjendum þakkað

einarb@votlendi.is (Einar Þór Bárðarson) — Thu, 17 Mar 2022 14:44:50 GMT

Brautryðjendum þakkað ómetanlegt framlag t

Ársfundur Votlendissjóðs 2022 var haldinn í gær, þriðjudaginn 15. mars, á Grand Hótel Reykjavík. Dagskrá ársfundar var samkvæmt skipulagsskrá Votlendissjóðs. Á fundinum var þremur fráfarandi forystumönnum úr stjórn sjóðsins þakkað fyrir óeigingjarnt framlag þeirra til sjóðsins. Þeim Þresti Ólafssyni, hagfræðingi og stjórnarformanni sjóðsins, Magnúsi Jóhannessyni, fyrrum ráðuneytisstjóra og varformanni stjórnar sjóðsins og Sveini Runólfssyni, fyrrum Landgræðslustjóra, en í gær lauk fjögurra ára stjórnarsetu þeirra í sjóðnum. Það hefur verið starfi sjóðsins afar dýrmætt að njóta þekkingar og krafta þeirra og aðkomu þeirra verður minnst með hlýhug.

Ársfundur Votlendissjóðs 2022

einarb@votlendi.is (Einar Þór Bárðarson) — Mon, 07 Mar 2022 17:22:57 GMT

Ársfundur Votlendissjóðs 2022

Ársfundur Votlendissjóðs 2022 verður haldinn þriðjudaginn 15. mars kl. 17:00 í Hvammi á Grand Hótel Reykjavík. Dagskrá ársfundar er samkvæmt skipulagsskrá Votlendissjóðs .

Dagskrá ársfundar, samkvæmt s kipulagssrká Votendissjóðs er sem hér segir:

1. Kjör fundarstjóra og annarra embættismanna fundarins
2. Skýrsla stjórnar og umræður
3. Endurskoðaðir reikningar síðastliðins árs lagðir fram til afgreiðslu
4. Kjör stjórnar
5. Viðurkenningar
6. Önnur mál

Skilgreint hlutverk sjóðsins er að vinna að því að draga úr losun gróðurhúsalofttegunda með endurheimt votlendis í samstarfi við landeigendur, ríki, sveitarfélög, félagasamtök og einstaklinga. Endurheimt votlendis stöðvar losun CO2 og eflir um leið náttúrulegan fjölbreytileika, fuglalíf og fisk í vötnum og ám

Vetrarhátíð og Votlendissjóður vinna saman

einarb@votlendi.is (Einar Þór Bárðarson) — Wed, 02 Feb 2022 09:48:26 GMT

LIFANDI VOTLENDI Í RÁÐHÚSI REYKJAVÍKUR

Um helgina er Vetrarhátíð í Reykjavík og í tilefni þess að 2. febrúar er Alþjóðlegur dagur votlendi er eitt helsta ljósalistaverk Vetrarhátíðar tileinkað votlendi og endurheimt þess. Verkið heitir „Lifandi Votlendi“ og er staðsett í Ráðhúsi Reykjavíkurborgar en hátíðin verður sett á morgun fimmtudag 3. apríl.

Listaverkið var upprunalega framleitt fyrir ljósahátíðina "Signal Festival" í Prag í samvinnu við Prusa-Lab en það er hannað af listakönnuna Katerina Blahutova eða Katla Katla eins og hún kallar sig hérna á Íslandi. En verkið hefur farið víða í Evrópu og mun halda áfram að ferðast eftir þetta.

Verkið „Lifandi Votlendi“ er uppblásið og gagnvirkt ljósalistaverk sem vekur athygli á mikilvægi votlendis í gegnum þátttöku gesta. Með því að fæða listaverkið með smá mynt og þá lýstist það upp og leikur lausum hala en smámyntin heldur svo áfram að gefa því allur ágóðinn frá verkinu rennur til verkefna á vegum Votlendissjóðs

Núna þegar veiran er á undanhaldi og loksins hægt að gera sér glaðan dag þá hvetjum fjölskyldur til að gera sér ferð með klinkbaukinn og styðja gott málefni. Einnig verður hægt að skipta mynt á staðnum.

Verkið er eins og fyrr segir staðsett í Ráðhúsi Reykjavíkurborgar og sýningasvæðið er opið milli 18:00-22:00 fimmtudags-, föstudags- og laugardagskvöld 3.-6. febrúar.

Nánari upplýsingar
https://vetrarhatid.is
https://www.votlend i.is
https://www. katerinablahutova.com/

Ari Trausti Guðmundsson fjallar um Alþjóðlegan dag votlendis

einarb@votlendi.is (Einar Þór Bárðarson) — Wed, 02 Feb 2022 09:42:25 GMT

VIÐ ERUM ÖLL Á SAMA BÁTI

Ari Trausti Guðmundsson, jarðvísindamaður, forsetaframbjóðandi og fyrrum alþingismaður skrifar um votlendið í tilefni af Alþjóðlegum degi votlendis.

Þrátt fyrir að samdráttur í losun gróðurhúsalofttegunda (GHL) haldi fyrsta sæti í andófinu gegn loftslagsbreytingum er kolefnisbinding líka mjög mikilvæg. Með öflugu starfi að henni er unnt að lina hlýnun í lofthjúpnum vegna hás hlutfalls GHL. Kolefnisbinding fer fram með því að efla upptöku kolefnis, einkum á landi. Með því að snúa til dæmis við gróðureyðingu, stunda sjálfbærrar gróðurnytjar í landbúnaði, auka skógrækt og endurheimta votlendi bindum við kolefni í jarðvegi til langs tíma. Hér á landi eru ærin verkefni við kolefnisbindingu og samvinna augljós milli almennings, stofnana, fyrirtækja, sveitarfélaga og ríkisins.

Eftir rúman áratug?

Stjórnvöld hafa sett fram stefnu: Kolefnishlutlaust Ísland fyrir 2040. Aðgerðaráætlun okkar í loftslagsmálum tekur til losunar, einkum samkvæmt markmiðum Parísarsamkomulagins (2030), og til kolefnisbindingar. Hún er endurskoðuð jafnt og þétt og uppfærð með vísindi og raunsæi að bakhjarli. Kolefnishlutleysi var bundið í lög vorið 2021. Þá voru líka samþykkt lög um hringrásarhagkerfi framtíðarinnar. Þar á undan voru samþykktar breytingar á tekjuskattslögum sem heimila lögaðilum frádrátt vegna kolefnisbindingar. Sveitarfélög hafa sett sér umhverfis-og loftlagsstefnu og fjölmörg fyrirtæki stofnað Grænvang til þess að efla samstarf í umhverfis- og loftslagmálum. Endurheimt landgæða og skógrækt hefur tekið vænlegan kipp. Við erum öll á sama báti.

Alþjóðlegi votlendisdagurinn

Lengi má ræða eða gagnrýna kolefnisbindingu og framvindu hennar, eða jafnvel efast um gagnsemina. Hvað sem því líður verðum við að herða á henni með öllum ráðum. Fleiri en ein grein raunvísinda hvetja okkur til þess að horfa meðal annars til strandsvæða, nýta erlendar jurtir til framgangs, allt eftir gróðurfari, beita nýrri tækni við niðurdælingu kolefnis og fanga það úr loftinu, samanber fyrstu skref hér á landi. Auka á fjárframlög allra helstu hagaðila og ólík vinnuframlög okkar almennt. Leggja mikla áherslu á samvinnu og staðreyndir en síður á þref og tortryggni, án þess að glata rökræðunum. Hver þúsund tonn kolefnisígilda sem bundin eru færa okkur nær markinu í takt við minni losun.

Annar í febrúar er svonefndur Votlendisdagur. Þá getum við horft til baka á ríflega 4.000 ferkílómetra af votlendi sem voru ræst fram. Stór hluti að þarflitlu eða þarflausu. Áætla má að 15-20% hafi orðið að ræktarlandi. Við getum þá horft til samtímans þar sem skilningur ríkir á því að snúa losun frá verulegum hluta þessa votlendis alla leið til bindingar og loftslagshollra vistgerða. Við getum þá horft til náinnar framtíðar þegar við munum skila kolefnhlutlausu landi til eigin samfélags og allrar veraldarinnar.

Framkvæmdastjóri þróunarsviðs Orkunnar um samstarf Orkunnar og Votlendissjóðs

einarb@votlendi.is (Einar Þór Bárðarson) — Wed, 02 Feb 2022 09:33:19 GMT

VON FYRIR VOTLENDIÐ

Jóhanna Margrét Gísladóttir, framkvæmdastjóri þróunarsviðs Orkunnar, skrifar um samstarf Orkunnar og Votlendissjóðs í Fréttablaðinu í dag í tilefni Alþjóðlegs dag votlendis.

Tími umbreytinga er runninn upp og það er á ábyrgð stjórnvalda, fyrirtækja og einstaklinga að bregðast við stöðunni með vel ígrunduðum ákvörðunum. Tími umbreytinga kallar á aðgerðir og raunhæfar lausnir til að stöðva áframhaldandi loftslagsvá sem blasir við og við þurfum öll að takast á við.

En hvað getum við gert?

Orkan, dótturfélag Skeljungs, er hluti af samfélaginu og viljum við haga ákvörðunum okkar í samræmi við samfélagið – þarfir þess og áskoranir. Við viljum auka og styrkja jákvæð áhrif fyrirtækisins á líf fólksins í landinu. Við viljum auka framboð af endurnýjanlegum orkugjöfum, eins og rafmagni, metani og vetni. Þjónustustöðvar okkar verða því fjölorkustöðvar sem gegna mikilvægu hlutverki í orkuskiptunum. Við höfum minnkað kolefnisfótspor Orkunnar með því að kolefnisjafna allan reksturinn frá 2018. Mikilvægari er þó sú aðferð sem gerir viðskiptavinum kleift að kolefnisjafna akstur sinn á einfaldan hátt. Í dag eru hátt í 7.000 manns að taka þátt.

Fjölbreytt hlutverk Orkunnar er þannig að einfalda lífið og aðstoða alla við að minnka sótsporið með því að færa nútíma þægindi í nærumhverfið. Það snýst ekki einungis um orku á farartækið heldur leitum við nýrra leiða til að spara fólki sporin. Dæmi um það er vel heppnað endurvinnsluverkefni í samstarfi við Terra þar sem við buðum upp á endurvinnslugáma fyrir jólapappír og umbúðir sem stútfylla allar ruslageymslur yfir jólahátíðina. Svo vel var tekið í þetta framtak að á nokkrum dögum söfnuðust yfir 8 tonn af endurvinnanlegum umbúðum sem fóru beint í hringrás endurvinnslunnar.

Það kann að skjóta skökku við að einstaklingur sem vinnur hjá fyrirtæki á borð við Orkuna, sem vissulega selur eldsneyti, sé að fjalla um mikilvægi þess að draga úr jarðefnaeldsneytisnotkun, hvetja fólk til að kolefnisjafna og vera meðvitað um umhverfismál. En til þess að árangur náist við orkuskiptin og kolefnisjöfnun þá þurfum við líka að stíga fram og taka þátt í umbreytingunum sem fram undan eru. Við ætlum að vera hluti af lausninni, bæði með eigin framtaki og eins með því að auðvelda viðskiptavinum okkar að leggja sitt af mörkum.

Verum hluti af lausninni

Skeljungur, móðurfélag Orkunnar, er einn stofnaðila Votlendissjóðsins sem komið var á laggirnar árið 2018. Sjóðurinn er samfélagslegt verkefni verndað af forseta Íslands og hefur það hlutverk að endurheimta votlendi í samstarfi við landeigendur, ríki, sveitarfélög, fyrirtæki, félagasamtök og einstaklinga.

Allt að tveir þriðju af allri þekktri losun gróðurhúsalofttegunda á Íslandi koma frá framræstu votlendi. Með því að fylla upp í skurði endurheimtum við votlendið og stöðvum losun gróðurhúsalofttegunda – nær samstundis. Hér er því um að ræða mjög áhrifaríka og hraðvirka leið til að draga úr losun og skapa aðstæður fyrir fjölbreyttara lífríki dýra og plantna.

Þessi áhrifaríka leið er viðurkennd af milliríkjanefnd Sameinuðu þjóðanna til að draga úr losun gróðurhúsalofttegunda. Við teljum þessa leið eina þá skilvirkustu og aðgengilegustu til að vinna gegn hlýnun jarðar og endurheimta horfin vistkerfi.

Í dag er alþjóðlegur dagur votlendis. Af því tilefni þökkum við öllum þeim fjölda viðskiptavina okkar sem hafa stutt við endurheimt votlendis á undanförnum árum með því að kolefnisjafna eldsneytisnotkun sína á dælum Orkunnar með því að láta hluta af afslætti sínum renna til Votlendissjóðs. Við hvetjum alla til að vera með í þessu mikilvæga verkefni.

Umhverfis-, auðlinda- og orkumálaráðherra skrifar um votlendið

einarb@votlendi.is (Einar Þór Bárðarson) — Wed, 02 Feb 2022 09:09:18 GMT

MÝRARNAR ERU MIKILVÆGAR

Guðlaugur Þór Þórðarson Umhverfisráðherra skrifaði grein sem birtist í Morgunblaðinu um votlendi í tilefni Alþjóðlegs dags votlendis, 2. febrúar.

Alþjóðlegi votlendi sdagurinn er í dag, 2. febrúar, en hann er haldinn ár hvert á stofndegi Ramsarsamningsins um vernd votlendis. Kveikjan að gerð samningsins voru áhyggjur af fækkun votlendisfugla. Vernd og endurheimt votlendis eru enn brýnni viðfangsefni í dag en þegar Ramsarsamningurinn var undirritaður fyrir rúmri hálfri öld, þar sem vísindin hafa leitt í ljós mikilvægi votlendis í loftslagsvernd.

Ísland er aðili að samningnum og eru sex friðlýst votlendissvæði á skrá Ramsar hér á landi: Andakíll við Hvanneyri, Grunnafjörður í Hvalfjarðarsveit, Guðlaugstungur við Hofsjökul, Mývatn og Laxá, Snæfells- og Eyjabakkasvæðið og Þjórsárver. Hvert svæði hefur sína sérstöðu, en öll eru þau mikilvæg búsvæði og viðkomustaðir fugla.

Votlendi þjónar lífríki, loftslagi og efnahag

Votlendi setur sterkan svip á íslenska náttúru og myndar samofið net frá fjörum og leirum upp um ósa, ár og vötn til mýra og flóa. Votlendi býr oft yfir fjölbreyttu lífríki og gegnir mikilvægu hlutverki við að miðla næringu og vatni.

Votlendi er meðal afkastamestu vistkerfa á jörðinni, sambærilegt við regnskóga og kóralrif, og þau veita manninum margvíslega þjónustu. Í rigningum taka votlendissvæði til sín vatn en miðla því frá sér í þurrkatíð, og tempra þannig öfgar í vatnafari.

Í votlendisjarðvegi er bundið mikið magn kolefnis. Á jörðinni þekja votlendissvæði um 3% yfirborðs lands en þau geyma 20-30% alls lífræns kolefnis á landi. Mikilvægt er að það tapist ekki, sem getur gerst við framræslu og aðra röskun. Vernd og endurheimt votlendis á heimsvísu hefur öðlast nýtt vægi eftir að gildi þeirra til að draga úr loftslagsbreytingum varð ljóst.

Votlendissvæði geta haft mikið efnahagslegt gildi þar sem þau eru uppspretta margvíslegra auðlinda og fæðu, t.d. fiska og fugla, og eru oft vinsæl svæði fyrir ferðaþjónustu.

Breyttir tímar kalla á nýja nálgun

Talið er að votlendi þeki um 20% af grónu flatarmáli Íslands. Um 50% votlendis á Íslandi hefur verið ræst fram, eða um 420 þúsund hektarar. Við framræslu votlendis lækkar vatnsyfirborð og súrefni fær greiða leið niður í jarðveginn. Þetta verður til þess að lífrænt efni, sem hefur safnast upp öldum saman, tekur að brotna niður með tilheyrandi losun gróðurhúsalofttegunda.

Framræsla votlendis hér á landi stóð að mestu yfir á 40 ára tímabili á síðari hluta síðustu aldar með það að meginmarkmiði að bæta skilyrði til túnræktar. Land hefur einnig verið þurrkað til að bæta beitilönd og vegna ýmissa framkvæmda, s.s. vegagerðar og bygginga. Þetta var lengi gert með stuðningi ríkisvaldsins og var af nær öllum talið til framfara.

Í dag eru breyttir tímar. Vísindin hafa sýnt okkur fram á mikilvægi votlendis fyrir loftslag jarðar, sem fáir eða enginn leiddi hugann að fyrir hálfri öld. Talsverður hluti framræsts votlendis er ekki nýttur undir tún eða aðra ræktun og því eru tækifæri til endurheimtar votlendis mikil. Það þarf auðvitað að gerast í sátt við bændur og aðra landeigendur og á grunni bestu vísindaþekkingar.

Endurheimt votlendis er af hinu góða þar sem hægt er að koma henni við, en ekki er síður mikilvægt að raska ekki því votlendi sem óraskað er. Votlendi nýtur verndar samkvæmt náttúruverndarlögum og ber að forðast að raska því nema brýna nauðsyn beri til. Nú liggur fyrir áætlun um verndun votlendis í samræmi við aðgerðaáætlun í loftslagsmálum, þar sem m.a. er lögð áhersla á friðlýsingu votlendissvæða og verndun votlendisvistgerða í náttúruminjaskrá. Skoða þarf hvort þörf er á frekari aðgerðum til verndunar votlendi.

Átak á áratug endurheimtar

Íslensk stjórnvöld hafa lögfest markmið um kolefnishlutleysi Íslands árið 2040, sem framlag Íslands til að ná markmiðum Parísarsamningsins, og hafa auk þess sett metnaðarfull markmið um samdrátt í losun. Til að kolefnishlutleysi náist þarf jafnvægi að nást á milli losunar og bindingar af mannavöldum, svo að nettólosunin verði núll. Efla þarf landgræðslu, skógrækt og verndun og endurheimt votlendis til að ná þessum markmiðum. Ríkisstjórnin hefur sett fram metnaðarfull markmið um samdrátt í losun. Aukin áhersla hefur verið sett á vernd og endurheimt votlendis. Ég vil efla það starf enn.

Á kjörtímabilinu verður einnig lokið við endurskoðun á stefnu Íslands um líffræðilega fjölbreytni. Þar verður áhersla lögð á m.a. endurheimt votlendis vegna þeirrar röskunar sem þurrkun þess hefur haft á búsvæði fjölmargra tegunda. Áratugur Sameinuðu þjóðanna um endurheimt vistkerfa er nýhafinn og er ákall alþjóðasamfélagsins um verndun og endurheimt vistkerfa um heim allan í þágu fólks og náttúru.

Við Íslendingar gengum rösklega fram við að ræsa fram mýrar á liðinni öld, af góðum hug og án þeirrar þekkingar sem við búum við nú. Á nýrri öld er lag til þess að endurheimta stóran hluta þessa lands, loftslaginu og lífríki Íslands til góða. Ríkisvaldið hefur þar hlutverki að gegna, en ekki er síður vert að þakka framtak félagasamtaka og einkaaðila, s.s. Votlendissjóðs. Ég mun beita mér fyrir efldu starfi varðandi vernd votlendis og endurheimt, með samvinnu og sátt að leiðarljósi

Alþjóðlegi votlendisdagurinn

einarb@votlendi.is (Einar Þór Bárðarson) — Tue, 18 Jan 2022 10:37:47 GMT

Alþjóðlegi votlendisdagurinn er 2. f ebrúar

Alþjóðlegi votlendisdagurinn er 2. febrúar á hvert en dagurinn markar þau tímamót að þann dag árið 1971 var Ramsarsamningur, samningur um votlendi, undirritaður en hann er alþjóðlegur samningur sem dregur nafn sitt af borginni Ramsar í Íran þar sem undirritunin fór fram.

Í dag eru um 170 ríki aðilar að samningnum þ.a.m. Ísland og tæplega 2.300 svæði vernduð af honum en samtals er flatarmálið er rúmlega stærð Mexíkó. Á Íslandi eru Ramsarsvæði sex talsins. Þau eru Grunnafjörður, Andakíl, Mývatn-Laxá, Guðlaugstungur, Þjórsárver og Snæfell-Eyjabakka svæðið.

Framræsing votlendis

Á síðustu öld jókst landbúnaðarframleiðsla mikið og til þess að halda í við aukninguna var hafið átak í að framræsa votlendi til þess að auka akuryrkju. Talið er að framræst hafi verið um 4.200 km ₂ lands en aðeins 15% af því er notað til landbúnaðarframleiðslu. Því eru næg verkefni við að endurheimta það votlendi sem ekki er notað í landbúnað.

Áhrif framræsingar

Binding kolefna (C) í jarðvegi og vötnum gerist með ljóstillífun þegar plöntur vinna Koldíoxíð úr súrefni og losa út súrefnið í andrúmsloftið sem er okkur svo mikilvægt. Plönturnar nýta kolefnið og geyma það. Annað birtingarform á kolefni í jarðvegi er olía og mór.

Vatn kemur í veg fyrir að jarðvegur rotni og þess vegna er jarðvegur í votlendi afar mikilvægur þar sem hann bindur mjög stóran hluta af kolefnisforða jarðar. Þegar votlendi er ræst fram kemst súrefni að lífræna jarðveginum sem fer að rotna sem leiðir til þess að gróðurhúsalofttegundir (GHL) losna.

Með tímanum sígur framræstur jarðvegur og má t.d. sjá þess merki við sökkla húsa í Norðurmýri í Reykjavík. Þar hefur jarðvegur sigið um 50-60 cm en þau hús eru byggð um miðbik síðustu aldar. Erlendis t.d. í Englandi eru dæmi um sig á jarðvegi sem nemur 3-4 metrum á svæðum sem framræst voru fyrir 2-300 árum síðan.

Helstu gróðurhúsalofttegundirnar sem um ræðir eru koltvísýringur (CO ₂ ), metangas (CH ₄ ) og hláturgas (N ₂ O) stundum kallað glaðgas. Þess utan eru aðrar tegundir af GHL en í töluvert minna mæli.

Við framræsingu þá minnkar einnig fjölbreytileiki náttúrunnar. Yfir 90% fugla byggja afkomu sína að einhverju leiti á votlendi. Framræsing hefur því alvarleg áhrif. Því er mikilvægt að vinna að endurheimtun votlendis.

Loftlagsmálin og skuldbinding Íslands

Með loftlagssamningi Sameinuðu þjóðanna sem samþykktur var árið 2015 undirgekkst Ísland þær skyldur að minnka losun GHL um 40% fram til ársins 2030. Markmiðið er að halda hlýnun loftlags innan við 2°C en helst að hún verði ekki meiri en 1,5°C með því að draga úr losun eða binda gróðurhúsaloft.

Loftlagsbókhaldið og markmiðin

Til þess að ná markmiðunum þarf að hraða orkuskiptum í samgöngum, minnka losun á GHL frá landbúnaði, iðnaði og meðhöndlun úrgangs og er sú losun sem þarf að vinna á um 4.7 milljónir tonna af CO ₂ ígíldum á ári. Þetta er sú losun sem fellur undir loftlagsbókhald Íslands og er stefnt að 40% samdrætti.

Hugtakið - CO ₂ ígildi / koltvísýringsígildi - er samheiti fyrir gróðurhúsalofttegundirnar s.s. CO ₂ , metan og hláturgas en þau eru missterk og losun þeirra er misjöfn.

Losun gróðurhúsalofttegunda úr framræstu votlendi

Þessu til viðbótar losar framræst votlendi um tvöfalt meira af GHL en greinarnar innan loftlagsbókhaldsins eða um 10 milljónir tonna af CO ₂ ígildum árlega. Samtals er því losun Íslands tæplega 15 m. tonna á ári. Það er því verk að vinna.

Þó svo að losun vegna framræsts lands teljist ekki í loftlagsbókhaldi Íslands nema að hluta kemur það okkur öllum til góða að minnka losun. Árið 2011 fengu íslensk stjórnvöld því framgengt á alþjóðavettvangi að niðurstöður slíkra aðgerða væri hægt að skrá. Það er jákvætt því áhrifin eru þau sömu - að minnka losun GHL og áhrif þeirra á loftslagið.

Votlendi og vísindin

Vísindamenn á Íslandi sem stundað hafa mælingar á framræstu votlendi hérlendis staðfesta að ekkert sem komið hefur fram í þeirra mælingum gefi til kynna annað en að hægt sé að miða við alþjóðlegt meðaltal losunar. Það meðaltal sem IPCC hefur gefið út er 19.5 tonn á hvern hektara á hverju ári.

Þannig má ljóst vera að það er verulegur ávinningur falin í endurheimtinni.

Samkvæmt upplýsingum sem unnið er eftir hér á landi er talið að um 4.600 hektara séu framræstir og af þeim eru 3.600 ha ekki notaðir til landnytja. Af nógu er því að taka. Endurheimt votlendis fer þannig fram að skurðir eru stíflaðir eða fyllt í þá til þess að hækka vatnsstöðu landssvæðisins. Það gerist tiltölulega hratt og þegar vatnsstaða nær áætlaðri stöðu stöðvast losun en yfirleitt tekur það nokkrar vikur eða mesta lagi nokkra mánuði til að ná ætluðum árangri.

Lausnirnar

Lausnir sem hafa það sameiginlegt að minnka GHL í andrúmsloftinu eru nokkrar s.s. skógrækt, landbætur, landgræðsla og endurheimt votlendis. Saman mynda þessar lausnir von til að ná settum markmiðum. Það er mikilvægt að halda lausnunum á lofti svo fyrirtæki, sveitarfélög sem og einstaklingar hafi val.

Votlendissjóðurinn

Votlendissjóðurinn hefur það markmið að leitast við að færa land í átt til fyrra horfs og skapa lífsskilyrði fyrir gróður og dýralíf sem áður ríkti. Hlutverk sjóðsins er að leiða saman landeigendur, fyrirtæki, félagasamtök, einstaklinga og sveitarfélög sem vilja leggja þessum markmiðum lið og minnka losun GHL með því að endurheimta framræst votlendi.

Landeigendur eru fjölmennastir meðal bænda og eru því í lykilstöðu. Með því að vinna með Votlendissjóðnum er hægt að minnka verulega losun GHL. Mikilvægt er að vekja athygli á því að ekki er ætlunin að vinna á ræktuðu landi sem bændur nota heldur þeim hluta sem er ónotaður.

Samfélagsleg ábyrgð okkar

Til þess að ná markmiðum Íslands í loftlagsmálum eru margar leiðir færar. Við þurfum öll að leggja lóð okkar á vogarskálarnar með því m.a. að taka þátt í orkuskiptum í samgöngum og nota almenningssamgöngur. Við getum endurskoðað innkaupavenjur, minnkað sóun matvæla, aukið endurvinnslu sorps, kolefnisjafnað ferðalög eða dregið úr þeim svo eitthvað sé nefnt.

Aðalatriðið er þó að hafa skýran fókus á markmiðinu – að draga úr hlýnun loftlags með öllum tiltækum ráðum fyrir árið 2030. Það er samfélagslegt verkefni okkar að stuðla að því. Ekki bara fyrir okkur sjálf heldur einnig fyrir börn okkar og barnabörn.

Svör við skrifum Björns Bjarnasonar um Votlendissjóð

einarb@votlendi.is (Einar Þór Bárðarson) — Tue, 02 Nov 2021 10:12:55 GMT

This is a subtitle for your new post

Þröstur Ólafsson

Svör vi ð skrifum Björns Bjarnsonar um Votlendissjóð

Björn Bjarnason fyrrv. alþm. og ráðherra fjallar um loftlagsmálin í pistlinum Umræðan í Morgunblaðinu 30. okt. s.l. Á einum stað fjallar hann um Votlendissjóð og viðleitni hans til að draga úr eða stöðva losun koldíoxíðs úr framræstu íslensku votlendi.

Björn spyr þar nokkurra spurninga sem nauðsynlegt er að svara til að forða misskilningi og um leið að upplýsa um staðreyndir málsins. Í greininni er fullyrt að landeigendur vilji ekki starfa með Votlendissjóði og Landgræðslunni að endurheimt votlendis. Það er ekki rétt. Á vegum Votlendissjóðs hafa þegar verið stöðvuð 8477 tonn af koldíoxíðsígildum sem ella hefðu farið út í andrúmsloftið. Það samsvarar losun 4738 nýrra bíla.

Spurt er hvort bændur þurfi að afsala sér eignarrétti á því landi sem endurheimt er sem votlendi með milligöngu Votlendissjóðs. Svarið við þessu er afdráttar-og undantekningarlaust Nei. Votlendissjóður hefur aldrei farið fram á eignarafsal. Hins vegar hefur það verið rætt að eðlilegt sé, að fyrir séu í samningum við landeigendur ákvæði þess eðlis að næstu 25 árin eftir ofanímokstur megi ekki framræsa umrætt land að nýju, nema endurheimta jafnmarga hektara annars staðar á móti. Þegar greinarhöfundur vitnar til reynslu bænda af viðskiptum við Votlendisjóð væri fróðlegt að vita til hvaða viðskipta hann sé að vitna. Því miður eru viðskipti starfandi bænda við sjóðinn ekki nógu mörg, en þau sem til staðar eru hafa gengið vel og án þess að við höfum orðið vör við alvarlega vankanta eða óánægju þeirra. Því væru upplýsingar um slæma reynslu bænda af viðskiptum við sjóðinn okkur dýrmætar.

Þá spyr Björn hvort fyrir liggi upplýsingar um “ hve mikil kolefnisbinding felist í endurheimt votlendis ? ” Ef spurningin fjallar um hve mikið framræst votle ndi losar af koldíoxíðígildum þá er svarið 19,5 tonn á hvern framræstan hektara. Þessi tala sem íslenskir vísindamenn hafa notað um árabil og staðfest hefur verið af Landgræðslunni með mælingum er meðaltal. Sum staða er losunin mun meiri annars staðar minni. Votlendissjóður endurheimtir hvergi framræst land fyrr en Landgræðslan hefur staðfest með mælingum að losunin sé það mikil að ofanímokstur borgi sig. Votlendissjóður leggur sjálfur ekkert sjálfstætt mat á losun landsins en Landgræðslan fylgist með og mælir árangur endurheimtarinnar í þrjú ár að verki loknu.

Enn spyr Björn hvort hvort gildi ólíkra aðferða hafi verið metið ? Landgræðslan hefur um langt árabil fylgst með aðferðafræði við að hækka grunnvatnsstöðu í framræstu votlendi í nágrannalöndum okkar. Fulltrúar sjóðsins og Landgræðslunnar hafa í tvígang heimsótt Skotland til að kynnast aðferðafræði þeirra, sem hafa áratuga reynslu af endurheimt votlendis. Á þessari reynslu byggir sjóðurinn og Landgræðslan sínar framkvæmdir.

Að lokum veltir Björn fyrir sér alþjóðlegri vottun kolefniseininga, hvort Votlendissjóður hafi slíka vottun og bætir við “að slík vottun sé forsenda verðmats og þar með markaðsviðskipta við sjóðinn”. Alþjóðleg vottun með kolefniseiningar úr endurheimtu votlendi er skammt á veg komin erlendis. Votlendissjóður hefur lagt í þá faglegu vinnu að fá mat sérfræðinga á því með hvaða hætti sjóðurinn geti fengið alþjóðlega vottungildi á einingar þær sem hann endurheimtir og gert þær gjaldgengar heima sem erlendis. Sjóðurinn hefur þegar verðmetið einingar sem seldar eru þeim sem jafna vilja kolefnisspor sín. Fyrrnefnd alþjóðleg vottun er dýr og gerðar eru miklar faglegar kröfur til vinnubragða Landgræðslunnar sem er þarna í lykilstöðu. Þegar allri undirbúningsvinnu er lokið munum við semja við erlenda vottunarstofu um alþjóðlega vottun kolefniseininga. Þá fyrst verða einingar þær sem bændur/landeigendur munu fá í sínar hendur, í lok samningstíma við Votlendissjóðinn, að alþjóðlegri söluvöru, að því tilskildu að viðunandi markaðir séu til staðar. Starfandi bændur munu þó væntanlega geta nýtt sér einingarnar, sem Landgræðslan hefur staðfest, til að kolefnisjafna búrekstur sinn, þótt alþjóðleg vottun liggi enn ekki fyrir. Mikilvægt er þó að muna að með endurheimt votlendis erum við að minnka kolefnisspor landsins/þjóðarinnar.

Votlendissjóður er einkaframtak og settur á stofn af samfélagslega ábyrgum fyrirtækjum, stofnunum og einstaklingum. Hann er ekki hagnaðardrifinn og stjórnarmenn fá enga þóknun fyrir störf sín. Sjóðurinn býr ekki yfir neinu opinberu boðvaldi og nýtur einskis stuðnings opinberra aðila að því undanskildu að sjóðurinn starfar náið með Landgræðslunni. Það mikla og örlagaríka mál, loftlagsváin, sem Votlendissjóðurinn er stofnaður til að vinna gegn, er alvarlegra en svo að flimtingar og tortryggni í hans garð sé viðeigandi. Benda má þeim sem áhuga hafa á starfsemi hans eða upplýsingum um reglur hans og vinnubrögð, á heimasíðu Votlendissjóðs, www.votlendi.is Fjarri er því þó að við sem að honum stöndum teljum að hann sé hafinn yfir gagnrýni. Hún þarf þó að vera byggð á réttum upplýsingum og málefnalegri þekkingu.

H öfundur er formaður stjórnar Votlendissjóðs

Hidden Iceland fyrst til að kolefnisjafna akstur með nýrri lausn

einarb@votlendi.is (Einar Þór Bárðarson) — Mon, 01 Nov 2021 14:12:41 GMT

Hidden Iceland fyrst til að kolefnis jafna akstur með nýrri lausn

Skeljungur og Votlendissjóður stækka samstarf sitt
Hidden Iceland fyrst með nýja lausn

Skeljungur og Votlendissjóður hafa gert með sér samkomulag sem gerir fyrirtækjum í viðskiptum við Skeljung tækifæri með mjög einföldum hætti að kolefnisjafna allan akstur bílaflota sinna. Um er að ræða sambærilega lausn og Orkan systurfélag Skeljungs hefur boðið einstaklingum að gera síðastliðin 2 ár. Í vikunni undirrituðu fulltrúar ferðaþjónustufyrirtækisins Hidden Iceland fyrsta slíka samkomulagið en lausnin býðst núna öllum fyrirtæjum sem eru í viðskiptum við Skeljung. Mikil eftirspurn hefur verið úti á markaðnum fyrir lausn eins og þessari sem er einföld og áreynslulaus fyrir alla.

"Við höfum frá stofnun Hidden Iceland lagt mikla áherslu á umhverfismál og erum stolt af því að vera fyrsta fyrirtækið til að ganga inn í þetta samstarf. Það er gaman að vera brautryðjandi og taka þátt í að innleiða ný og grænni tækifæri í sínu viðskiptaumhverfi og við erum svo sannarlega stolt af þessu” sagði Dagný Björg Stefánsdóttir forstjóri Hidden Iceland. "Þessi lausn er ástæðan fyrir því að við gerðum Skeljung að eldsneytisbirgjanum okkar. Umhverfisstefna Skeljungs og samstarf þeirra við Votlendissjóð gerði þetta að mjög auðveldri ákvörðun. Við viljum vinna með fyrirtækjum sem deila gildum okkar og það sem er mikilvægara, eru að gera ráðstafanir til að vernda umhverfið.”

“Það sem skiptir mestu máli í þessari lausn er að þarna gefst fyrirtækjum tækifæri á sáraeinfaldan hátt að kolefnisjafna allan sinn akstur og það er reiknað fyrir þau í rauntíma. Þannig losnar viðskiptavinurinn við það að setjast yfir aksturinn og reikna kolefnissporið sitt eftirá, með flóknum aðferðum, þegar kemur að akstri.” Sagði Þórður Guðjónsson framkvæmdastjóri fyrirtækjasviðs Skeljungs. Það var verkfræðistofan EFLA sem vann útreikningana sem liggja að baki jöfnunarinnar og eru þær sömu forsendur og notaðar eru fyrir einstaklingsmarkað Orkunnar.

“Fyrirtæki sem vilja komast af stað í kolefnisjöfnun býðst þarna tækifæri til að fara strax að gera ráðstafanir fyrir losun af sínum akstri. Mörgum fyrirtækjum vex það í augum að stíga þetta fyrsta skref en með því að stíga þetta skref fyrst þá er hægt að koma losun frá akstri í fyrirmyndarhorf strax og halda svo áfram að taka skref til að finna út losun annarra þátta í rekstrinum,” sagði Einar Bárðarson framkvæmdastjóri Votlendissjóðs.

Myndin er frá afhendingu staðfestingar Votlendissjóðs á samstarfinu við Skeljung og Hidden Icelan. Lengst frá vinstri: Einar Bárðarson framkvæmdastjóri Votlendissjóðs, Eigendur Hidden Iceland þau Dagný Björg Stefánsdóttir forstjóri, Scott Drummond framkvæmdastjóri, Ryan Connolly markaðs- og umhverfisstjóri, Þórður Guðjónsson framkvæmdastjóri fyrirtækjasviðs Skeljungs og Ernir Daði Fjölvarsson frá Skeljungi.

Alþjóðleg vottun á kolefniseiningum

Wed, 20 Oct 2021 11:26:58 GMT

Stjórn Votlendissjóðs vinnur nú að því að fá alþjóðlega vottun á kolefniseiningum sem verða til við endurheimt votlendis á vegum Votlendissjóðs.

Stjórn Votlendissjóðs vinnur nú að þ ví að fá alþjóðlega vottun á kolefniseiningum sem verða til við endurheimt votlendis á vegum Votlendissjóðs. Markmiðið er að innan fárra missera geti Votlendissjóður boðið íslenskum fyrirtækjum og fyrirtækjum á alþjóðamarkaði vottaðar einingar sem nota má til kolefnisjöfnunar eða til að minnka kolefnisspor viðkomandi.

Verkfræðistofan Efla hefur að undanförnu kannað fyrir Votlendissjóð möguleika á alþjóðlegri vottun kolefniseininga við endurheimt votlendis og er vinna Votlendissjóðs byggt á þeirri vinnu.

“Fyrst og fremst viljum við að kolefniseiningar Votlendissjóðs séu virtar í alþjóðlegu umhverfi og fyllilega samkeppnishæfar á þeim markaði sem nú þróast hratt í aðgerðum þjóða heims til að stemma stigu við hlýnun loftslags. Jafnframt erum við að svara kalli íslenskra fyrirtækja sem starfa á alþjóðamarkaði að geta fengið alþjóðlega vottaðar einingar” segir Þröstur Ólafsson stjórnarformaður Votlendissjóðsins

Framkvæmdastjóri og stjórnarmaður úr Votlendissjóði heimsóttu Cairngorms þjóðgarðinn í Skotlandi í síðustu viku.

einarb@votlendi.is (Einar Þór Bárðarson) — Tue, 05 Oct 2021 18:09:56 GMT

Framkvæmdastjóri og stjórnarmaður úr Votlendissjóði heimsóttu í síðustu viku Cairngorms þjóðgarðinn í Skotlandi.

Framkvæmdastjóri og stjórnarmaður úr Votlendissjóði heimsóttu í síðustu viku Cairngorms þjóðgarðinn í Skotlandi ásamt fulltrúum frá Landgræðslunni, Fuglavernd og Landbúnaðarháskólanum. Heimsóknin var greidd af ELP sjóðnum ( The Endangered Landscapes Programme ) og er liður í undirbúnings verkefni sem íslensku aðilarnir og RSPB ( The Royal Society for the Protection of Birds ) eru í samstarfi um. RSPB eru ein stærstu umhverfisverndar samtök í heiminum og hafa verið samstarfsaðilar Votlendissjóðs frá stofnun hans.

Cairngorms þjóðgarðurinn er í norðaustur-Skotlandi og var stofnaður árið 2003. Þjóðgarðurinn er 4.528 km2 sem gerir hann stærsta sinnar tegundar á Bretlandseyjum. Innan svæðisins vinna opinberir aðilar, einkaaðilar og félagasamtök saman undir merkjum Cairngorms Connect. Stjórnendur Cairngorms Connect voru gestgjafarnir í ferðinni og í þrjá daga kynntu Íslendingarnir sér mismunandi þætti starfseminnar innan þjóðgarðsins.

Samstarfið innan Þjóðgarðsins lýtur að vatnsvernd, vatnsstýringu, skógrækt og grisjun, dýravernd, endurheimt votlendis og vistkerfa og stuðningur við tegundir í útrýmingarhættu svo eitthvað sé nefnt.

Ölgerðin og Verkís halda áfram að jafna hjá Votlendissjóði

einarb@votlendi.is (Einar Þór Bárðarson) — Tue, 05 Oct 2021 13:31:15 GMT

Ölgerð Egils Skallagrímssonar og Ver kís kolefnisjafna 2020

Ölgerð Egils Skallagrímssonar og Verkís hafa bæði kolefnisjafnað losun fyrirtækjanna 2020 hjá Votlendissjóðnum. Gengið var frá þeim samningum núna í september en félögin mæla sína losun og eru stanslaust í vinnu við að minnka hana en kolefnisjafna svo það sem eftir situr. Þetta er þriðja áríð sem Verkís hefur kolefnisjafnað hjá okkur og fjórða árið hjá Ölgerðinni.

Með því að kolefnisjafna sig með endurheimt votlendis eru félögin ekki bara að stöðva losun óþarfa koltvíoxíðs úti í andrúmsloftið heldur endurheimta þau með þátttöku í okkar verkefnum, vistkerfi svæðanna. Þannig eykst og styrkist náttúrulegur fjölbreytileiki svæðanna. Þá eru verkefni sjóðsins atvinnuskapandi í héröðum endurheimtarsvæðanna.

Þannig er kolefnisjöfun þessa samfélagslega ábyrgu fyrirtækja margföld; Loftslagsleg, náttúrleg og efnahagsleg. Hægt er að sjá lista þeirra sem kolefnisjöfnuðu hjá okkur árið 2020 á heimasíðunni votlendi.is

Kolefnisjöfnun frádráttarbær að hluta

einarb@votlendi.is (Einar Þór Bárðarson) — Tue, 05 Oct 2021 13:26:37 GMT

Framlag lögaðila er frádráttarbær til tekjuskatts

Um sl. áramót tóku gildi breytingar á lögum um te kjuskatt sem ættu að freista lögaðila. Samkvæmt þeim má nota hluta tekna til kolefnisjöfnunar (allt að 0,85% árstekna) án tekjuskattsgreiðslu fyrir árið sem stendur yfir þegar framlögin eru greidd. Þetta á við aðgerðir í rekstri til kolefnisjöfnunar lögaðilans sem og fjárframlög til skógræktar, uppgræðslu og endurheimtar votlendis. Til þeirra teljast, auk framlaga til sj óða, stofnana, sjálfseignarstofnana og samtaka sem vinna að kolefnisjöfnun, verklegar framkvæmdir sem fyrirtæki taka að sér í samvinnu við sjóði, stofnanir, sjálfseignarstofnanir og samtök og taka ekki greiðslu fyrir. Frekari kynning er á https://www.althingi.is/altext/150/s/0027.html eða hjá Skattinum (s. 4421000).

Vinna hafin í Fífustaðadal

einarb@votlendi.is (Einar Þór Bárðarson) — Wed, 01 Sep 2021 17:17:36 GMT

Vinna hafin í Fífustaðadal við endurheimt

Vinna er hafin við endurheimt jarðarinnar Fífustaðir í Ketildölum en jörðin var framræst uppúr miðri síðustu öld. Framræsingin var á sínum tíma undirbúningur fyrir alþjóðlegan flugvöll hjá fyrri eigendum jarðarinnar. Flugvöllurinn kom aldrei í dalinn og hefur framræsingin því aldrei verið nýtt, hvorki til flugrekstrar né í búskap.

Núverandi eigendur buðu Votlendissjóði til samstarfs um endurheimt fyrir þremur árum og var framkvæmdaleyfi gefið út í fyrra. Jörðin er nokkuð afskekkt og á vorin eru öxulþunga takmarkanir í Ketildölum sem síðan tengist við varptíma fugla og er því gluggi framkvæmda þröngur á þessum snjóþungu slóðum.

Fulltrúar Votlendissjóðs, Landgræðslunnar og verktakans Suðurverks hittust á vettvangi í gær en Suðurverk hóf síðan framkvæmdi í dag. Um er að ræða 59 hektara og verkið því ansi umfangsmikið. Suðuverk gefur vinnuna sína við þetta verkefni og verkið er unnið í samvinnu við Landgræðsluna eins og allar framkvæmdir Votlendissjóðs.

Aðgerðin stöðvar sem nemur 1200 tonnum af CO2 ígildum sem samsvarar útblæstri 600 fólksbíla á hverju ári.

Stjórn Votlendissjóðs endurkjörin á Ársfundi sjóðsins

einarb@votlendi.is (Einar Þór Bárðarson) — Tue, 08 Jun 2021 14:31:52 GMT

Stjórn Votlendissjóðs endurkjörin á Ársfundi sjóðsins í gær

Stjórn Votlendissjóðs var endurkjörin á ársfundi sjóðsins í gær í Hvammi á Grand Hótel Reykjavík. Frá vinstri: Helga Jóhanna Bjarnadóttir, Ólafur Eggertsson, Ingunn Agne s Kro, Þröstur Ólafsson formaður, Þórunn Ingjaldsdóttir ritari, Sveinn Runólfsson, Magnús Jóhannesson varaformaður og Hjálmar Kristjánsson. Á myndina vantar Rannveigu Grétarsdóttur og Svein Ingvarsson.

Nemendafélag Flensborgarskóla styður Endurheimt Votlendis

einarb@votlendi.is (Einar Þór Bárðarson) — Wed, 26 May 2021 11:34:12 GMT

Nemendafélag Flensborgarskóla styður Endurheimt Votlendis

Í tengslum við nýja umhverfis og loftslagsstefnu Flensborgarskóla ákváðu nemendur skólans að kolefnisjafna akstur þeirra til og frá skólanum í ár. Útfærslan var alfarið í höndunum nemendanna sem deildu hluti skólaaksturs á hvern nemanda hvort sem hann kemur í bíl eða ekki í skólann. Miðað var kolefnisspor meðal fólksbíls sem er 2.5 tonn og Co2 á ári. Nemendafélagið ákvað að leggja 100 kr í jöfnun fyrir hvern nemanda sem þeim reiknast að sé 69.420,- sem afhentar voru sjóðnum í morgun. Það var Ásbjörn Ingi Ingvason Oddviti Nemendafélags Flensborgarskóla sem afhendi framkvæmdastjóra sjóðsins og lét fylgja áskorun til Nemendafélags Fjölbrautarskóla Garðabæjar að gera slíkt hið sama.

Umhverfismeðvitund ungs fólks er á margan hátt orðin leiðandi í baráttunni fyrir bættu loftslagi, betri nýtingu og bættri umgengni um náttúruna og framlag eins og þetta eru skýr merki um það sagði fulltrúi Votlendissjóðs sem veitti framlaginu móttöku í morgun.

Landgræðslan bauð stjórn Votlendissjóðs og formanni Loftslagsráðs í heimsókn

einarb@votlendi.is (Einar Þór Bárðarson) — Wed, 19 May 2021 19:18:20 GMT

Stjórn Votlendissjóðs heimsótti mælingasvæði Landgræðslunnar

Landgræðslan bauð stjórn Votlendissjóðs og formanni Loftslagsráðs í heimsókn á vöktunar- og rannsóknasvæði sitt að Sogni í Ölfusi á dögunum. Sogn er eitt fjögurra vöktunarsvæða Landgræðslunnar þar sem fylgst er með árangri endurheimtar votlendis. Hin þrjú svæðin eru Ásbjarnarnes við Hóp, Ytri-Hraundalur á Mýrum í Borgarfirði og Brekka í Skagafirði. Verkefnið í Sogni er unnið í samstarfi við Landsvirkjun og hófst vinna við það árið 2017. Tilgangur heimsóknarinnar var að kynna mælingarnar og framkvæmd þeirra fyrir gestunum.

Svæðið að Sogni er um 20 ha. að stærð og að mörgu leyti dæmigert fyrir votlendi sem var framræst víða um land frá stríðslokum, en talið er að um 50% votlendis á láglendi hafi verið framræst síðan þá. Ekki er vitað nákvæmlega hvenær var Sogn framræst og þurrkað upp en loftmyndir frá 1977 sýna að skurðir höfðu þá þegar verið grafnir. Endurheimt svæðisins hófst 42 árum seinna eða haustið 2019 þegar Landgræðslan hóf það verk. Mælingar og vöktun höfðu byrjað fyrr á svæðinu eða 2017 og var það stór áfangi í því nýja hlutverki sem Landgræðslan hafði nýlega tekist á við árið 2016 þegar endurheimt votlendis varð hluti af vaxandi hlutverki stofnunarinnar.

F.v. Halldór Þorgeirsson formaður loftslagsráðs, Þröstur Ólafsson, formaður Votlendissjóðs, Ólafur Eggertsson bóndi á Þorvaldseyri, Sveinn Runólfsson fyrrverandi landgræðslustjóri stjórnarmenn í Votlendissjóðnum, Gústav M. Ásbjörnsson sviðsstjóri hjá Landgræðslunni, Helga J. Bjarnadóttir verkfræðingur hjá EFLU, Hjálmar Kristjánsson útgerðarmaður og Ingunn Agnes Kro lögmaður, stjórnarmenn í Votlendissjóði, Jóhann Thorarensen og Ölvir Styrmisson sérfræðingar hjá Landgræðslunni. Einar Bárðarson framkvæmdastjóri Votlendissjóðsins.

Myndina tók Árni Bragason framkvæmdastjóri Landgræðslunnar og gestgjafi hópsins.

Ársfundur Votlendissjóðs 2021

einarb@votlendi.is (Einar Þór Bárðarson) — Wed, 19 May 2021 16:17:30 GMT

Ársfundur Votlendissjóðs 2021

Ársfundur Votlendissjóðs 2021 verður haldinn mánudaginn 7. júní næst komandi kl. 17:00 í Hvammi á Grand Hótel Reykjavík. Dagskrá ársfundar er samkvæmt skipulagsskrá Votlendissjóðs.

1. Kjör fundarstjóra og annarra embættismanna fundarins

2. Skýrsla stjórnar og umræður

3. Endurskoðaðir reikningar síðastliðins árs lagðir fram til afgreiðslu 4. Kjör stjórnar

5. Viðurkenningar

6. Önnur mál

Vegna sóttvarnarráðstafana eru gestir beðnir um að skrá sig til þátttöku með því að senda nöfn sín á votlendi@votlendi.is þannig að hægt sé að gera viðeigandi ráðstafanir.

Samningur um endurheimt Brúarlands á Mýrum

einarb@votlendi.is (Einar Þór Bárðarson) — Sun, 09 May 2021 17:24:20 GMT

Samningur um endurheimt Brúarlands á Mýrum

Það var sólríkt og bjart yfir Mýrunum í dag þegar Votlendissjóðurinn og eigendur Brúarlands undirrituðu samning um endurheimt hluta jarðarinnar sem ekki er í nýtingu. La ndgræðslan er með jörðina núna til mats og mælinga en hún tilheyrir Borgarbyggð þar sem meðferð sveitarfélagsins hefur verið afar vinsamleg endurheimt. Gert er ráð fyrir að framkvæmdin verði unnin síðsumars eða undir haust. Á myndinni eru Guðbrandur Brynjúlfsson bóndi á Brúarlandi og framkvæmdastjóri Votlendissjóðs á sólslegni flötinni við húsin á Brúarlandi í dag eftir undirritun.

Ábyrg kolefnissjöfnun

einarb@votlendi.is (Einar Þór Bárðarson) — Sun, 09 May 2021 08:58:29 GMT

Votlendissjóður tekur þátt í vinnu um ábyrga kolefnisjöfnun

Votlendissjóðurinn hefur í vetur tekið þátt í þverfaglegri vinnu Loftslagsráðs og Staðlaráðs um ábyrga kolefnisjöfnun. Tilgangurinn er að stuðla að sammæli um aðferðir v ið mælingar og útgáfu kolefniseininga, miðlæga skráningu á útgáfu þeirra og sammæli um ábyrgar yfirlýsingar um kolefnisjöfnun á samkeppnismarkaði. Fulltrúar framleiðenda og kaupenda kolefniseininga ásamt fulltrúum frá stjórnvöldum og sérfræðingum í loftslagsmálum hafa tekið þátt í vinnunni. Í framhaldi af þeirri vinnu er nú verið að stofna tækniráð sem mun vinna áfram með niðurstöður þessarar vinnu.

Ábyrg kolefnisjöfnun er grundvallarþáttur í heildstæðri loftslagsstefnu og hluti af vegferðinni að kolefnishlutleysi. Vottun kolefniseininga er talin ein helsta forsenda þess að hægt sé að nota þær á ábyrgan hátt til kolefnisjöfnunar; vottunarkerfið í heild þarf að vera óháð bæði seljendum og kaupendum og viðmiðin sem vottað er eftir þurfa að samræmast alþjóðlega viðurkenndri aðferðafræði.

Votlendissjóðurinn gengur í Festu

einarb@votlendi.is (Einar Þór Bárðarson) — Fri, 07 May 2021 10:23:41 GMT

Votlendissjóðurinn orðin meðlimur í Festu , m iðstöð um samfélagsábyrgð og sjálfbærni

Í vor gerðist Votlendissjóðurinn meðlimur í Festu. Festa er miðstöð um samfélagsábyrgð og sjálfbærni eru frjáls félagasamtök með aðsetur í Háskólanum í Reykjavík. Hlutverk Festu er að auka þekkingu á samfélagsábyrgð og sjálfbærni fyrirtækja, stofnana og hverskyns skipulagsheilda. Með aðild sinni að Festu vonast sjóðurinn til þess að efla þekkingu á starfsseminni meðal aðildarfélaga Festu og efla tengsl sjóðsins við samfélagslega ábyrg fyrirtæki og stjórnendur þeirra. Festa tengir saman ólíka aðila; fyrirtæki, sveitafélög og einstaklinga sem vilja vera leiðandi á sviði samfélagsábyrgðar og sjálfbærni.

Myndin sem fylgir fréttinni er af Halldóri Þorgeirrsyni formanni Loftslagsráðs þegar hann ávarpi Loftslagsfund Festu og Reykjavíkurborgar árið 2020

Góðir gestir í heimsókn

Fri, 07 May 2021 10:06:34 GMT

Góðir gestir í heimsókn

Lucie Samcová - Hall Allen sendiherra Evrópusambandsins á Íslandi kynnti sér starfssemi Votlendissjóðsins í gær ásamt samstarfsfólki sínu. Sendinefnd Evrópusambandsins hér á landi sem hún fer fyrir hefur kolefnisjafnað sína starfssemi hjá sjóðnum frá upphafi og sjóðurinn er þakklátur fyrir þá velvild og stuðning.

E SB er leiðtogi á heimsvísu í baráttunni gegn loftslagsbreytingum og hefur dregið áfram metnað þróaðri ríkja á því sviði.

Askja kolefnisjafnar með endurheimt votlendis

Sun, 14 Feb 2021 10:47:15 GMT

Askja kolefnisjafnar með endurheimt votlendis

Á A lþjóðlegum degi Votlendis, þann 2. febrúar sl., undirritaði Jón Trausti Ólafsson, framkvæmdastjóri Bílaumboðsins Öskju, samning við fulltrúa Votlendissjóðs um kolefnisjöfnun reksturs Öskju í gegnum sjóðinn. Í upphafi þessa árs hlaut Askja umhverfisvottun samkvæmt ISO140001 alþjóðlega umhverfisstaðlinum. Við undirbúning þeirrar vottunar var rekstur Öskju yfirfarinn í samstarfi við verkfræðistofuna Eflu til að ná utan um kolefnisspor fyrirtækisins. Heildarlosun starfseminnar var 343 Co2 tonn á árinu 2020 en öll losunin verður endurheimt í gegnum sjóðinn .

,,Þetta er jákvæður áfangi í okkar sögu. Við höfum unnið að þessu markmiði í um það bil tvö ár en með þessu skrefi er rekstur Öskju nú kolefnisjafnaður að fullu. Við völdum að vinna með Votlendissjóði því við höfum mikla trú á endurheimt, ekki bara sem aðgerð í kolefnisjöfnun heldur jafnframt til eflingar vistkerfa og umhverfis fisks og fugla á endurheimtu svæðunum," segir Jón Trausti. ,,Við sjáum hversu áríðandi það er þegar við horfum til þess að áratugur endurheimtar vistkerfa er hafinn undir forystu Sameinuðu þjóðanna. Við erum stolt af því að ganga í takt við þessar áherslur. Askja hefur verið leiðandi í rafbílasölu á Ísland og aukning í hlutdeild rafbíla í okkar vöruframboði heldur sífellt áfram að aukast með góðu framboði rafbíla frá okkar framleiðendum."

Votlendissjóður Íslands er sjálfseignarstofnun sem endurheimtir votlendi á Íslandi í samstarfi við samfélagslega ábyrga landeigendur, fyrirtæki og einstaklinga sem brenna fyrir baráttunni við hamfarahlýnun jarðar. Votlendissjóður hefur á síðustu tveimur árum endurheimt votlendi á tugum hektara víða um land. Með endurheimt stöðvast losun um þúsundir tonna koldíoxíðs árlega

Orkan og viðskiptavinir stærstu bakhjarlar Votlendissjóðsins

einarb@votlendi.is (Einar Þór Bárðarson) — Sun, 14 Feb 2021 10:42:38 GMT

Orkan og viðskiptavinir stærstu bakhjarlar Votlendissjóðsins

Annan febrúar sl. afhenti forseti Íslands, Guðni Th. Jóhannesson Vonina, þakklætis-viðurkenningu Votlendissjóðs fyrir árið 2020. Fulltrú ar Skeljungs og Orkunnar fengu Vonina fyrir framlag þeirra og viðskiptavina Orkunnar til sjóðsins. Skeljungur, sem var einn af stofnaðilum Votlendissjóðs, hefur kolefnisjafnað allan sinn rekstur í gegnum sjóðinn frá árinu 2018 og auk þess hafa lykilhafar Orkunnar safnað um 26 milljónum króna fyrir sjóðinn með því að kolefnisjafna eldsneytiskaup sín. ,,Við erum stolt af samstarfinu og gríðarlega þakklát fyrir góðar viðtökur. Við sendum þakklætisviðurkenninguna beint áfram til viðskiptavina Orkunnar, en það eru þeir sem hafa raungert þennan mikla árangur með þátttöku sinni" sagðI Árni Pétur Jónsson forstjóri Skeljungs.

Forseti Íslands afhenti Vonina, þakklætis viðurkenningu Votlendissjóðs.

Sun, 14 Feb 2021 10:38:49 GMT

Forseti Íslands afhenti þakklætis viðurkenningu Votlendissjóðs.

ÁHRIFAVALDAR TIL VERKA FYRIR NÁTTÚRUNNA
Í gær afhenti forseti Íslands, Guðni Th. Jóhannesson Vonina, þakklætis-viðurkenningu Votlendissjóðs fyrir árið 2020. En vonina hlutu þau Bríet Ísis Elfar söngkona, Sævar Helgi Bragason fjölmiðlamaður og Tolli Morthens listmálari fyrir framlag sitt til kynningar á sjóðnum og félögin 66° Norður og Orkunni fyrir framlög þeirra til starfssemi sjóðsins. Bríet, Sævar Helgi og Tolli komu öll fram í auglýsingum og kynningarefni fyrir Votlendissjóðinn sem framleitt var á síðasta ári en hefur verið í sýningu núna í byrjun árs. Þau gáfu alla vinnuna sína við verkefnið en aðkoma þeirra hefur vakið nýja hópa til umhugsunar um vonina sem býr í endurheimt votlendis.

66° NORÐUR VERNDAR JÖKLA MEÐ ENDURHEIMT
Þá afhenti forsetinn fulltrúum frá 66° Norður, vonina fyrir ríkulegt framlag fyrirtækisins og viðskiptavina þess en í haust stóð fyrirtækið fyrir Jökla föstudegi í stað Svarts föstudagar eins og víða er í lok nóvember. Þá tók fyrirtækið 25% af allri netsölu þá helgi og ánöfnuðust þannig rétt rúmlega 5 milljónir króna til verkefna sjóðsins „Þó að 66°Norður hafi verið kolefnishlutlaust fyrirtæki frá árinu 2019 er það eingöngu með heildrænni sýn og markvissum aðgerðum sem við getum minnkað skaðann, dregið úr umhverfisáhrifum og haft jákvæð heildaráhrif á heiminn. Sjálfbærni er kjarninn og leiðarljós í starfsemi okkar, allt frá því að flík verður til á teikniborðinu yfir í hvaða efni við notum, hvernig við nýtum umframefni, yfir í endurnýtingu, endurvinnslu og síðan mótvægisaðgerðir. Það er því mjög ánægjulegt að geta stutt við hið góða starf Votlendissjóðs.“ Sagði Helgi Rúnar Óskarsson við athöfnina.

Áratugur endurheimtar vistkerfa hafin hjá Sameinuðu þjóðunum

einarb@votlendi.is (Einar Þór Bárðarson) — Wed, 13 Jan 2021 18:41:52 GMT

Ára tugur endurheimtar hafin hjá UN

Áratugur endurheimtar vistkerfa er hafin undir forystu Sameinuðu þjóðanna. Það er fátt meira áríðandi en endurheimt í samhengi við stöðvun losunar en þá má ekki horfa framhjá því að með endurheimt margfaldast náttúrulegur fjölbreytileiki og fuglum og fiskum fjölgar á endurheimtum svæðum. https://www.decadeonrestoration.org

Endurheimt votlendis lokið í Mosdal

einarb@votlendi.is (Einar Þór Bárðarson) — Wed, 13 Jan 2021 18:40:34 GMT

Mos dalur endurheimtur á vetrarsólstöðum

Vegna hlýinda síðustu vikurnar fyrir jól og lítillar ofankomu gafst okkur tækifæri á því að hefja endurheimt á jörðunum Horni og Skógum í Mosdal við Arnarfjörð í desember. Jarðirnar eru suðvestur af ánni Dynjandi og ekki beint í alfaraleið. Endurheimtin náði yfir ga 26 hektara og þessi mynd var tekin úr dróna á vettvangi í blíðviðrinu við verklok, 22. desember. Árangur endurheimtar okkar í ár er þannig meiri en í fyrra þrátt fyrir erfitt vor vegna veðurs og veirunnar sem hrekkti allt og alla allt árið 2020.

Hversu lengi losar skurðasvæði koltvísýring?

Wed, 13 Jan 2021 18:02:02 GMT

Grein 3 úr Fréttablaðinu eftir þær Þórunni Ingjaldsdótt u r og Ingunn i Agnes i Kro

Loftslagsmálin eru sameiginlegt baráttumál okkar allra og við höfum öll áhrif. Því verða þeir sem bera ábyrgð á losun að skoða alla þætti sinnar losunar. Öflugustu leiðir nar til að takast á við loftslagsvandann hérlendis eru að minnka alla losun fyrirtækja, stofnana og heimila, endurheimta votlendi á landi sem er ekki í notkun og græða upp illa farið land og rækta tré. Með þessum þríþættu aðgerðum er gert að sárum, blæðing stöðvuð og það sem út hefur runnið hreinsað.

Skurðir grafnir í votlendi losa gróðurhúsalofttegundir. Um leið og vatn minnkar í jarðveginum kemst súrefni að og skilyrði skapast fyrir örverur til að hefja niðurbrot á lífrænu efni. Við það losnar koltvísýringur. Hraði ferlisins er sá að jarðvegurinn þynnist að meðaltali um hálfan sentimetra á ári. Með öðrum orðum, þá getur metra djúpur skurður losað koltvísýring í 200 ár. (dr. Hlynur Óskarsson, votlendi.is) Skurðir eru hins vegar alla jafna dýpri en svo. Framræsla hófst í einhverju magni upp úr miðri síðustu öld, svo ætla má að flest framræst svæði á Íslandi losi enn gróðurhúsalofttegundir.

Það er þó ekki bara losun úr skurðinum sjálfum. Allt svæðið sem skurðurinn ræsir fram, sem getur verið allt upp í nokkur hundruð metra í hvora átt frá skurðinum, losar koltvísýring. Þar fer aðallosunin fram. Það að skurðir, garðar séu grónir breytir litlu. Þá stöðvar það ekki losunina að gróðursetja tré á framræsta landinu. Á Íslandi eru næg svæði til að endurheimta og gróðursetja í áður en þessar aðferðir þurfa að rekast á.

Til að gæta að skilvirkni í störfum Votlendissjóðsins, fara sérfræðingar Landgræðslunnar yfir og meta jarðir áður en Votlendissjóður hefst handa, til að tryggja að endurheimtin muni skila árangri.

Hægt er að kynna sér gagnsemi endurheimtar votlendis og af la upplýsinga um hvernig má kolefnisjafna akstur sinn eða rekstur á votlendi.is og orkan.is.

Ný rannsókn vekur athygli

einarb@votlendi.is (Einar Þór Bárðarson) — Sun, 18 Oct 2020 14:28:37 GMT

Nýleg rannsókn vísindamanna frá Evrópu, Ástralíu

og Brasilíu vekur athygli í Bretlandi.

Nýleg rannsókn vísindamanna frá Evrópu, Ástralíu og Brasilíu vekur athygli í Bretlandi. Þar kemur meðal annars fram að þrátt fyrir gríðarlega þýðingu endurheimtar í baráttunni við loftslagsbreytingar er aðeins 1% af því fjármagni sem ráðstafað er í loftslagsmál sett í endurheimt á heimsvísu. Lesa má greinina í heild sinni hér.

“Only about 1% of the finance devoted to the global climate crisis goes to nature restoration, but the study found that such “nature-based solutions” were among the cheapest ways of absorbing and storing carbon dioxide from the atmosphere, the additional benefits being the protection of wildlife.”

Greinin er byggð á rannsókn sem birt var í Nature núna á miðvikudaginn, 14. október

Endurheimt votlendis, grein úr Fbl 2. október

Wed, 07 Oct 2020 12:07:28 GMT

Endurheimt votlendis (grein sem birtist í Fréttablaðinu 2. október)

Störf Votlendissjóðsins byggja á vinnu sérfræðinga Háskóla Íslands, Landbúnaðarháskólans, Landgræðslunnar og annarra sem rannsakað hafa kolefnisbúskap og losun koldíoxíðs frá framræstu votlendi í fjölda ára.

Rannsóknir sýna að framræst votlendi ber ábyrgð á um 60% losunar CO2 á Íslandi. Inni í því hlutfalli er ekki tekið tillit til alþjóðlegs flugs yfir Íslandi en allar aðrar samgöngur og iðnaður eru innifalin. Rannsóknir sérfræðinga Landgræðslunnar og háskólasamfélagsins gefa til kynna að losun koldíoxíðs úr framræstu votlendi sé að meðaltali um 19.5 tonn á hektara hér á landi. Það eru tölur sem eru í samræmi við hliðstæðar rannsóknir á hinum Norðurlöndunum.

Framræst votlendi er mýri sem hefur verið þurrkuð upp með skurðum. Skurðakerfi landsins vegna framræsts votlendis er yfir þrjátíu þúsund kílómetrum að lengd en meira en helmingur lands í kringum þá eru ekki nýtt í dag. Votlendissjóðurinn var stofnaður fyrst og fremst til að endurheimta þetta ónotaða land. Aðgerðin er viðurkennd aðgerð í baráttunni við loftlagsbreytingarnar af milliríkjanefnd Sameinuðu þjóðanna um loftslagsmál (IPCC).

Auk þess er endurheimt votlendis virk leið til að styrkja líffræðilega fjölbreytni svo sem gróður og fuglalíf. Þá benda rannsóknir Haf og vatns, áður Veiðimálastofnunar, á að endurheimt votlendis geti í mörgum tilfellum bætt vatnsgæði í ám og vötnum og dregið úr flóðahættu í aftakaúrkomu.

Votlendissjóður endurheimti votlendi á 72 hekturum árið 2020 sem er stöðvun útblásturs sem nemur 1.440 tonnum sem er sambærilegt því að taka 720 bíla úr umferð í ár.

Mikilvægt er að halda því til haga að Votlendissjóðurinn er sjálfseignastofnun sem er fjármögnuð af einstaklingum, fyrirtækjum og sveitarfélögum með ríka samfélagsábyrgð.

Votlendissjóður leitar að fleiri áhugasömum landeigendum, til samstarfs um endurheimt og það er mikið fagnaðarefni hversu meðvitaðir og velviljaðir landeigendur um allt land eru til þess að vinna að endurheimt votlendis með sjóðnum.

Hægt er að kynna sér gagnsemi endurheimtar votlendis á votlendi.is.

Þórunn Inga Ingjaldsdóttir, stjórnarmaður

Ingunn Agnes Kro, stjórnarmaður

Endurheimt hafin á Kirkjubóli

Thu, 01 Oct 2020 15:15:23 GMT

Endurheimt votlendis hófst í landi Kirkjubóls í Korpudal við Önundarfjörð í dag. Svæðið sem endurheimt verður eru 24 hektarar sem er stöðvun árlegri losun uppá 480 tonnum af koltvísýring. Dagurinn var hátíðisdagur bæði hjá sjóðnum og landeigendum en jörðin var framræst árið 1970 þegar ríkið framræsti jörðina í ósátt eigenda sem tímabili misstu yfirráða rétt yfir henni. Ríkið greiddi þannig fyrir framræsinguna en nú er það einkarekin sjóður sem greiðir endurheimtar starfið. Verklok eru áætluð í kringum 15 október.

Votlendissjóður þakkar fyrir ómetanleg framlög

Mon, 22 Jun 2020 16:00:03 GMT

Votlendissjóður þakkar fyrir ómetanleg framlög

Á Ársfundi Votlendissjóðs þann 11. júní. notaði stjórn sjóðsins tækifærið og þakkaði kraftmiklum aðilum ómetanleg framlög í þágu sjóðsins.

Fyrstan ber að nefna Eyþór Eðvarðsson frumkvöðul, eldhuga og stofnanda sjóðsins sem með atfylgi sínu kom sjóðnum á laggirnar eftir mikla undirbúningsvinnu og stýrði sjóðnum fyrstu misserin.

Þá afhenti sjóðurinn Orkunni og Skeljungi þakkir fyrir þeirra framlag sem en samstarfsamningur Orkunnar og sjóðsins gerir Orkuna að stærsta bakhjarli sjóðsins. Það var Vigdís Guðjónsdóttir sem tók við þökkunum fyrir hönd Skeljungs.

Karl Andreasen tók svo við þakklætis votti fyrir hönd Ístaks verktakafyrirtækis en þeir framkvæmdu endurheimt fyrir sjóðinn á 53 hektara og hefur svo haldið áfram að endurheimta á þessu ári. Sjóðurinn stendur í mikilli þakkarskuld við þessa aðila.

Ársskýrsla Votlendissjóðs 2020

Thu, 11 Jun 2020 16:06:10 GMT

Votlendissjóður hélt ársfund sinn fyrir árið 2019 í dag. Þar sem lögð var fram árskýrsla sjóðsins sem hér má lesa.

Votlendissjóður endurheimti votlendi á fjórum jörðum árið 2019. Í það heila endurheimtum við votlendi á 72 hekturum sem er stöðvun útblásturs sem nemur 1.440 tonnum á þessu ári og margfaldað í 8 ár sem dæmi eru það 11.520 tonn af CO2 ígildum sem hætta að fara út í andrúmsloftið. Það er sambærilegt því að við myndum taka 720 bíla úr umferð í ár. Það magn á ári samsvarar svo 5760 fólksbílum í 8 ár. Það munar sannarlega um það. Framundan eru mjög spennandi tímar hjá Votlendissjóð.

Ársfundur Votlendissjóðs 2020

Tue, 02 Jun 2020 09:16:37 GMT

Ársfundur Votlendissjóðs 2020 verður haldinn fimmtudaginn 11. júní kl. 17:00 á veitingastaðnum Sjálandi, Ránargrund 4, 210 Garðabæ.

Dagskrá ársfundar, samkvæmt skipulagsskrá Votendissjóðs er sem hér segir:

1. Kjör fundarstjóra og annarra embættismanna fundarins.

2. Skýrsla stjórnar og umræður þar um.

3. Endurskoðaðir reikningar síðastliðins árs lagðir fram.

4. Endurnýjun einstakra stjórnarmanna skv. tillögu stjórnar.

5. Viðurkenningar afhentar.

6. Önnur mál.

“Endurheimtum mýri, sköpum ævintýri”

Votlendissjóðurinn tveggja ára

Fri, 15 May 2020 11:38:06 GMT

Votlendissjóðurinn var stofnaður 30. apríl 2018 á Bessastöðum. Sjóðurinn er sjálfseignarstofnun, fjármagnaður af samfélagslega ábyrgum fyrirtækjum, félagasamtökum og einstaklingum í þeim tilgangi að endurheimta framræst votlendi en endurheimt votlendis er skjótvirkasta aðferðin til að ná árangri í loftlagsmálum hérlendis.

Endurheimt Votlendissjóðsins stöðvar losun þúsunda tonna koldíoxíðs sem annars færu út í andrúmsloftið. Jafnframt styrkir þessi leið líffræðilega fjölbreytni á endurheimtu landssvæði þar sem gróður og fuglalíf eflist og jákvæð áhrif geta orðið á vatnsbúskap í veiðiám þar sem áhrifanna gætir.

Votlendissjóðurinn endurheimti votlendi á fjórum jörðum árið 2019. Allar fóru jarðirnar í gegnum úttekt hjá Landgræðslunni til vottunar og staðfestingar gagnsemi aðgerðanna. Fyrst riðu á vaðið landeigendur á Hofi í Norðfirði og endurheimtu á sinni jörð. Þá voru endurheimtir þrír hektarar af verndara sjóðsins, forseta Íslands, á Bessastaða jörðinni. Þá var það fyrirtækið ÍSTAK sem lagði sjóðnum til atfylgi í Bleiks- og Krísuvíkurmýri en þar var endurheimt upp á samtals 53 hektara.

Í það heila endurheimti Votlendissjóður framræst land á 72 hekturum á síðasta starfsári. Samtals er það stöðvun útblásturs upp á 1.440 tonn á síðasta ári og margfaldað í 8 ár sem dæmi eru það 11.520 tonn af CO2 ígildum sem hætta að fara út í andrúmsloftið. Það er sambærilegt því að 720 bílar væru teknir úr umferð í eitt ár. Það samsvarar síðan 5760 fólksbílum í 8 ár. Það munar sannarlega um það.

Landgræðslan, samstarfsaðili Votlendissjóðs, heldur utan um stöðvun losunar verkefnanna okkar og færir í landsbókhald endurheimtar. Stofnunin endurheimti sjálf sambærilegt magn hektara á síðasta ári og því má tvöfalda þennan hugarreikning hér að ofan samfélaginu til heilla.

En Votlendissjóður væri ekki í neinum framkvæmdum ef ekki væri fyrir velviljaða og samfélagslega ábyrga jarðeigendur. Án þeirra framkvæmir sjóðurinn ekkert og það sama má segja um einstaklingana og fyrirtækin sem leggja sjóðnum lið með því að kolefnisjafna ferðalög, neyslu og starfsemi sína í gegnum Votlendissjóð.

Á síðasta ári var undirritaður þriggja ára samstarfssamningur milli Orkunnar og Votlendissjóðs. Með honum kolefnisjafnar Orkan sig í gegnum sjóðinn og gengur enn lengra því velunnarar sjóðsins geta sótt um greiðslulykla hjá Orkunni sem gerir þeim kleift að styrkja endurheimt Votlendissjóðs með sínum afslætti og Orkan leggur svo til mótframlag. Þetta framlag er uppá margar milljónir á ári og skiptir sköpum fyrir Votlendissjóð.

Í lok árs 2019 má því segja að sjóðurinn hafi náð nokkuð góðum tökum á verkefninu að endurheimta votlendi á Íslandi. Framundan er endurheimt hundruða hektara votlendis en nú þegar hefur Landgræðslan mælt og staðfest verkefni sem tilbúin eru til framkvæmda um leið og varptíma lýkur.

Skilningur og meðbyr hjá ráðafólki og almenningi eykst með hverju ári og framtíð sjóðsins er björt. Framundan eru tímar frekari afreka, loftslagi og náttúru Íslands til heilla.

Stöðvuðum útblástur 720 fólksbíla á árinu 2019

Sun, 16 Feb 2020 18:23:45 GMT

Votlendissjóður endurheimti votlendi á fjórum jörðum árið 2019. Allar fóru jarðirnar í gegnum úttekt hjá Landgræðslunni en eftir hana hófumst við handa. Fyrst riðu á vaðið landeigendur á Hofi í Norðfirði og endurheimtu á sinni jörð, þá koma Garðlist verktakar og framkvæmdu endurheimt á Bessastöðum en svo var það ÍSTAK sem lagði okkur til atfylgi í Bleiks- og Krísuvíkurmýri sem samtals voru 53 hektarar en í það heila endurheimtum við votlendi á 72 hekturum sem er stöðvun útblásturs sem nemur 1.440 tonnum á þessu ári og margfaldað í 8 ár sem dæmi eru það 11.520 tonn af CO2 ígildum sem hætta að fara út í andrúmsloftið. Það er sambærilegt því að við myndum taka 720 bíla úr umferð í ár. Það magn á ári samsvarar svo 5760 fólksbílum í 8 ár. Það munar sannarlega um það. Framundan eru mjög spennandi tímar hjá Votlendissjóð.

+2,0 gráður

Sun, 02 Feb 2020 20:53:59 GMT

Föstudagskvöldið 7. febrúar kl. 20:00 frumflytur organistinn Kristján Hrannar Pálsson loftslagsverkið +2,0°C á Klais-orgel Hallgrímskirkju. Rithöfundurinn Andri Snær Magnason heldur stutta ræðu í upphafi.

Tónleikarnir eru hluti af Vetrarhátíð Reykjavíkurborgar. Miðaverð 2.500.- krónur og allur ágóði tónleikanna rennur til Votlendissjóðs.

Kristján Hrannar er fæddur í Reykjavík árið 1987 og hefur starfað sem tónlistarmaður um árabil. Hann er í dag fastráðinn organisti við Óháða söfnuðinn í Reykjavík auk þess að stýra tveimur kórum á höfuðborgarsvæðinu. Hann hefur komið víða við í tónlist en hann var meðlimur indí-rokk sveitarinnar 1860 á árunum 2010 til 2012. Hann sendi frá sér rafpopp-plötuna og sólóverkefnið Anno 2013 hjá Dimmu-útgáfu. Plötuna vann hann með færeyingnum Janusi Rassmusen úr Kiasmos. Þá hefur Kristján kennt jazz-píanóleik við FÍH og sinnt ótal verkefnum sem sjálfstætt starfandi tónlistarmaður.

+2,0°C er annað verk Kristjáns sem snertir á loftslagsmálum en árið 2016 gaf hann út plötuna Arctic take one sem fjallar um staði á norðurslóðum sem hafa orðið fyrir áhrifum af hlýnun jarðar.

Gróðurhúsaáhrif, loftslagsvá og vörn með votlendi

Sun, 02 Feb 2020 15:39:01 GMT

Þröstur Ólafsson stjórnarformaður Votlendissjóðs skrifaði grein í Fréttablaðið miðvikudaginn 29. janúar síðast liðinn. Þar sagði Þröstur meðal annars. "Fyrirtæki og einstaklingar verða loks að láta til sín taka og bregðast við. Góðvild og snoturt bros eru fátæklegt framlag til varnar loftslagsvánni. Meiri alvara þarf að fylgja. Við höfum verkfærin og vitum hvaða leiðir skila mestum og skjótustum árangri. Minnumst þess sem forngríski spekingurinn sagði, að leyndardómur frelsisins sé kjarkur.

Þegar jurtir vaxa draga þær koldíoxið (CO2) úr andrúmsloftinu og binda ýmist í bol sínum, stönglum eða blöðum. Að hausti falla blöð og stönglar til jarðar: bolir og greinar, þegar tré falla. Við eðlilegar aðstæður myndar þetta nýjan kolefnisríkan jarðveg, sem í aldanna rás verður að sverði, kolum, gasi eða olíu. Raki í jarðvegi og grunnvatn í mýrum dregur úr eða kemur í veg fyrir rotnum jurtaleifanna. Kolefni safnast upp. Þegar mýri er framræst kemst súrefni í samband við kolefni og koldíoxíð og fleiri gastegundir losna út í andrúmsloftið. Þegar svörður, kol, gas eða olía er unnið úr jörðu og brennt, losnar koldíoxíð (CO2) einnig út í andrúmsloftið. Aukinn styrkur koldíoxíðs í andrúmsloftinu veldur hlýnun á jörðinni og í höfunum. Því tölum við um gróðurhúsaáhrif efnisins og annarra efna sem valda hliðstæðum áhrifum. Þau eru öll mælanleg.

Binding og stöðvun losunar

Árleg heildarlosun gróðurhúsalofttegunda á Íslandi er talin vera um 14,8 milljónir tonna. Samkvæmt mælingum og útreikningum íslenskra vísindamanna, sem byggðar eru á sömu gögnum og aðferðafræði og skil landsins til losunarbókhalds SÞ, þá eiga um 2/3 af heildarlosun gróðurhúsalofttegunda rót sína að rekja til framræsts votlendis hér á landi. Aðeins um þriðjungar heildarlosunar kemur því frá öðrum uppsprettum. Má til fróðleiks geta þess að almennar innanlands samgöngur losa „aðeins“ um 4% af heild. Þegar vatnsstaða í votlendi hækkar við að sléttfylla skurðina eða stöðva afrennsli þeirra, hættir koldíoxíð að losna úr votlendinu. Ef við viljum ná skjótum og öruggum árangri, þá liggur beinast við að endurheimta votlendi, jafnvel þótt það sé enn lauslega tengt losunarbókhaldi landsins.

Losunarstuðlar

Íslenskir vísindamenn hafa mælt og rannsakað áhrif mismunandi aðgerða sem beita má gegn loftlagsvánni með því að breyta landnotkun (Heimild Environice 2019). Þar koma einkum þrjár leiðir til greina; Skógrækt, landgræðsla og endurheimt votlendis. Beita verður þeim öllum, ef við viljum ná merkjanlegum árangri. Niðurstaða þeirra um mismunandi áhrif einstakra leiða koma fram í eftirfarandi losunar- og bindistuðlum m.v. árleg meðaltöl: Skógrækt eftir 1990: binding 6,2 tonn/ha/ár; Landgræðsla eftir 1990: binding 2,1 t/ha/ár; Framræst votlendi ræktað sem óræktað: losun 19,5 t/ha/ár. Með því að endurheimta votlendi má stöðva árlega losun sem því nemur. Þá er þess ógetið hve tímaþáttur losunaráhrifanna er mismikill eftir leiðum. Auðvitað verður að hafa nákvæmnisfyrirvara á þessum stuðlum. Langvinn, vöktuð reynsla kann að hnika þeim eitthvað til. Allir tilheyrandi fyrirvarar breyta þó ekki þessu: stóru drættirnir eru skýrir.

Veðrabrigði eða loftslagsvá

Flestar loftslagsvísindastofnanir hafa fyrir alllöngu sagt sannað og ganga nú út frá verulegri hættu á ofhitun jarðarinnar og lofthjúpsins verði ekki gripið til markvissra aðgerða um allan heim. Með vaxandi tíðni birtast nýjar hrollvekjandi niðurstöður og rökstuddar spár um þá vá sem vofir yfir, verði ekki gripið strax í taumana. Margir eru þó ósannfærðir. Þeir leita gjarnan á náðir forspárra kunningja eða spyrja dramblátan sjálfbirginginn, en þessir ráðgjafar telja að fátt sé að óttast, allt hafi þetta gerst áður. Þá hamast pólitískir lýðskrumarar gegn niðurstöðu vísindamanna. Örvæntingarfullar aðvaranir og nýjar ógnvekjandi rannsóknarskýrslur birtast títt þessi misserin. Versnandi ástand úthafanna, hefur þar verið í fyrirrúmi. Úthöfin eru heitari en nokkru sinni fyrr á mælingartímum, og hitnun þeirra fer hraðvaxandi. Hækkandi hitastig hafsins eykur veðurfarsöfgar, hvirfilvinda og ofsaúrkomu. Skógareldarnir í Ástralíu, Síberíu og Kaliforníu eru hluti þessara öfga. Hvað með nýlegan veðurofsa hér? Súrefnisfátækt hafsins leiðir af sér fiskidauða og skaðar aðrar lífverur sem og forðabúr hafsins. Nýjustu skýrslur segja að við séum rétt að byrja á forrétti hamfaranna. Hvað með fiskimiðin okkar?

Þótt eflaust verði sótt um hefðbundna og réttmæta undanþágu, er óljóst hvert senda á beiðnina. Þá mæla vísindastofnanir einnig skertan styrk golfstraumsins. Verði alvarlegur brestur í úthöfunum og ferlar hafstrauma riðlast, mun það hafa djúpstæð áhrif á lífsskilyrði okkar. Þar megum við enga áhættu taka. Við björgum ekki heiminum en framlag okkar skiptir máli, því losun okkar er hlutfallslega mikil. Ekki má endalaust hlusta á þá sem tortryggja hávísindalegar niðurstöður, eða leyfa lýðskrumandi óheillakrákum að trufla og tefja. En ekkert gerist af sjálfu sér. Allt kostar vinnu og peninga.

Fyrirtæki og einstaklingar verða loks að láta til sín taka og bregðast við. Góðvild og snoturt bros eru fátæklegt framlag til varnar loftslagsvánni. Meiri alvara þarf að fylgja. Við höfum verkfærin og vitum hvaða leiðir skila mestum og skjótustum árangri. Minnumst þess sem forngríski spekingurinn sagði, að leyndardómur frelsisins sé kjarkur.

Breytt verðlagning kolefnisjöfnunar og hvati fyrir landeigendur

Thu, 26 Dec 2019 14:31:46 GMT

Votlendissjóður hefur breytt framlagsforsendum sínum og þar með verðlagningu kolefnisjöfnunar í gegnum sjóðinn. Helstu breytingar eru þær að sjóðurinn býður nú endurheimt tonn á 2.000,- krónur og selur staðfesta stöðvun í átta í ár stað eins árs eins og fyrra módel var byggt á. Stærsta breytingin er þó er viðkemur landeigendum sem koma til samstarfs við sjóðinn en þegar sjóðurinn hefur nýtt þessi átta ár til að fjármagna framkvæmdirnar fá landeigendur stöðvunina til ráðstöfunar. Á fyrstu sex mánuðum 2020 endurheimtir sjóðurinn á þriðja tug jarða í samvinnu við Landgræðsluna. Ný heimasíða er í vinnslu og alþjóðlegar vottanir eru í skoðun.

Stærsta áskorun samtímans er að draga hratt úr losun gróðurhúsa-lofttegunda sem valda hlýnun jarðar og lofthjúps. Talið er að um 2/3 af losun gróðurhúsalofttegunda frá Íslandi komi frá framræstu votlendi.

Votlendissjóður var stofnaður vorið 2018 í þeim tilgangi að endurheimta framræst votlendi en endurheimt votlendis er skjótvirkasta aðferðin til að ná árangri í loftlagsmálum hérlendis.

Jafnframt styrkir þessi leið líffræðilega fjölbreytni. Þannig eflist gróður og fuglalíf og jákvæð áhrif geta orðið á vatnsbúskap í veiðiám þar sem áhrifanna gætir. Mynd: Ragnar Th. Sigurðsson

Sjóðurinn er sjálfseignarstofnun og fjármagnaður af samfélagslega ábyrgum fyrirtækjum, félagasamtökum og einstaklingum sem vilja leggja sitt af mörkum í baráttunni við loftslagsbreytingar. Hundruð hektara votlendis hafa þegar verið endurheimtir á vegum Votlendissjóðsins sem jafngildir því að stöðva losun þúsunda tonna koldíoxíðs út í andrúmsloftið. Jafnframt styrkir þessi leið líffræðilega fjölbreytni. Þannig eflist gróður og fuglalíf og jákvæð áhrif geta orðið á vatnsbúskap í veiðiám þar sem áhrifanna gætir.

Starfsemi Votlendissjóðs byggist á stuðningi almennings, landeigenda og fyrirtækja. Þrjár leiðir eru til að leggja Votlendissjóði lið. Sú fyrsta er í formi frjálsra fjárframlaga þeirra sem vilja kolefnisjafna ferðlög, heimilishald eða minni starfsemi eða hreinlega láta gott af sér leiða. Þá geta fyrirtæki sem kaupa endurheimt vottonn fært sér þau til tekna í kolefnisbókhaldi sínu og í þriðja lagi eru það landeigendur sem koma til samstarfs við Votlendissjóð um endurheimt á eigin jörðum.

Öll endurheimt Votlendissjóðs fer fram í samvinnu og að undangenginni úttekt og með staðfestu mati Landgræðslunnar. Mynd: Ragnar Th. Sigurðsson

Frá og með 1. Janúar 2020 mun verð á hverju vottonni verða kr. 2.000,-. Samfara þessum breytingum mun sjóðurinn bjóða landeigendum að taka við ávinningi endurheimtarinnar eftir átta ár frá framkvæmd. Geta þeir þá nýtt hann sjálfir til kolefnisjöfnunar eða selt hann inn á grænan markað, sem líklegt er að muni myndast hér eins og gerst hefur í Evrópu.

Það er von sjóðsins að þessi afhending á verðmætum endurheimtar til landeiganda, hvetji enn fleiri samfélagslega ábyrga landeigendur til að leggja sjóðnum lið, því þeir fá kost á að eignast losunartonnin sem verða til, átta árum eftir upphafs stöðvun. Það verður beinn ávinningur fyrir þá.

Öll endurheimt Votlendissjóðs fer fram í samvinnu og að undangenginni úttekt og með staðfestu mati Landgræðslunnar. Framundan næstu 6 mánuði er endurheimt á þriðja tug jarða um allt land og hefst vinna í Borgarfirði núna í janúar eða um leið og aðstæður leyfa. Verið er að skoða möguleika á alþjóðlegri vottun á starfsemi sjóðsins og ný heimasíða lítur dagsins ljós í byrjun janúar.

https://votlendi.is/spurningar-og-svor/

VEL HEPPNAÐUR MORGUNVERÐARFUNDUR

Wed, 13 Nov 2019 14:31:47 GMT

Húsfyllir var og mikill áhugi á málþingi Votlendissjóðsins sem fram fór í salnum Kaldalóni í Hörpu í Reykjavík í morgun. Rætt var um votlendi, möguleika tengda endurheimt þess og gildi fyrir náttúru og umhverfi. Fundinum stýrði Þórunn Inga Ingjaldsdóttir, forstöðumaður markaðs- og samskiptadeildar Samskipa, en hún er jafnframt varamaður í stjórn Votlendissjóðsins

Endurheimt framræsts votlendis er ein af þeim aðgerðum sem Vísindanefnd Sameinuðu þjóðanna (IPCC) viðurkennir sem gilda aðgerð til að draga úr losun gróðurhúsalofttegunda af mannavöldum.

Þórunn Inga setti fundinn og bauð gesti velkomna. Fyrstur í pontu var Guðni Th. Jóhannesson, forseti Íslands og verndari Votlendissjóðsins. Hann fór í ávarpi sínu yfir sögu Bessastaða og landnytja þar. Þar hafi hið unga lýðveldi viljað gera Bessastaði að fyrirmyndarbýli, sem endurspeglaði möguleika og styrk landbúnaðar í landinu. „Og skurðir voru grafnir,“ bætti hann við og sýndi hvernig votlendi var ræst fram til að nýta landið. Á sjöunda áratugnum hafi svo búskapur lagst af á Bessastöðum, því ekki hafi verið talið fara saman búskapur og bústaður forseta. Guðni rifjaði upp grein Halldórs Laxness frá 1970, Hernaðurinn gegn landinu, þar sem Nóbelsskáldið hafi meðal annars beint spjótum sínum að framræstu landi og spurt hvort ekki væri tilefni til að verðlauna menn fyrir að moka ofan í skurðina aftur. Rakti hann svo hvernig endurheimt votlendis hafi hafist á Bessastöðum hjá forvera hans í starfi, Ólafi Ragnari Grímssyni, og svo verið haldið áfram af krafti frá sumri 2018 og til dagsins í dag. Nú séu fyrrum tún á góðri leið með að verða mýri á ný.

Þá fjallaði Sunna Áskelsdóttir, fulltrúi Landgræðslu ríkisins, um endurheimt votlendis og tengslin við loftslagsmál. Útreikningur á samdrætti í losun gróðurhúsalofttegunda væri nokkuð flókinn, en niðurstöður íslenskra rannsókna væru í samræmi við stuðla IPPC, þótt áhrif losunar væru mismunandi eftir umhverfisaðstæðum hverju sinni. Eins fjallaði hún um náttúrufar í votlendi.

Næstur í pontu var Sigurður Már Einarsson, fiskifræðingur á sviði ferskvatnslífríkja hjá Hafrannsóknastofnun, en hann fjallaði um áhrif endurheimtar votlendis á vatnsbúskap veiðiáa. Benti hann á að veruleg miðlun væri frá votlendi í árnar sem bætti lífsskilyrði í ánum. Þetta skipti sérstaklega máli á þurrkatímum, líkt og hér hafi verið síðasta sumar. Um leið kom fram í máli hans að endurheimt raskaðra vistkerfa, svo sem vatna sem horfið hafa vegna framræslu, getur tekið langan tíma, en mögulegt væri að hjálpa framvindunni, svo sem með því að planta gróðri sem styðji við ferlið.

Stefán Gíslason, umhverfisstjórnunarfræðingur hjá Environice, flutti svo erindi sem nefndist „Er klukkan orðin fimm? Vangaveltur um tímasetningu björgunaraðgerða“. Í erindi sínu fjallaði hann um stöðu umhverfismála og þróun styrks koldíoxíðs í andrúmsloftinu og hvort of seint sé að grípa til aðgerða sem snúið geti þróuninni við. Innistæða til losunar verði búin á gamlárskvöld 2027. „Þetta er sem sagt neyðarástand,“ sagði hann og bætti við að mannkynið væri að nálgast þann stað að of seint sé að snúa við. Benti hann á að endurheimt votlendis væri skilvirk leið og fljótleg til að hefta útblástur, og þess vegna kæmu áhrif slíkra aðgerða fyrr fram en til dæmis skógræktar, sem kannski hefðu sambærileg áhrif, en tækju mun lengri tíma.

Samfélagsleg ábyrgð og loftslagsvandinn var svo yfirskrift erindis Eyþórs Eðvarðssonar, stjórnarformanns Votlendissjóðsins. Fjallaði hann um sjóðinn, tilurð hans og tilgang.

Árni Pétur Jónsson, forstjóri Skeljungs, flutti svo sjötta og síðasta erindið og fjallaði um samstarf Orkunnar og Votlendissjóðsins, en lykil- og korthöfum Orkunnar býðst að kolefnisjafna eldsneytiskaup sín með endurheimt votlendis. Við tóku svo almennar umræður og spurningar úr sal áður en fundi var slitið á tólfta tímanum.

FRAMKVÆMDIR KOMNAR Á FULLA FERÐ HJÁ VOTLENDISSJÓÐ

Fri, 18 Oct 2019 14:31:46 GMT

Framkvæmdir næstu vikna jafnast á við að 1000 fólksbílar hyrfu úr umferðinni.

Verklegar framkvæmdir Votlendissjóðs við endurheimt votlendis við Bessastaði annarsvegar og í Bleiksmýri og Krísuvíkurmýri hinsvegar hófust á mánudag. Framkvæmdirnar hafa gengið vonum framar í haustblíðunni sem leikið hefur við landsmenn í vikunni. Framkvæmdum lauk í Bleiksmýri og við Bessastaði núna uppúr hádegi en þessi verkefni eru þau fyrstu af um 25 jörðum sem Votlendissjóður er með á dagskrá fram á næsta vor í samvinnu við landeigendur og Landgræðsluna.

Á Bessastöðum er það Forseti Íslands, verndari Votlendissjóðs, sem er að endurheimta votlendi á jörðinni. Það mun auðga fuglalíf á svæðinu fyrir utan það að stöðva útblástur á CO2 ígildum sem er auðvitað megin markmiðið Votlendissjóðs. Garðlist vinnur þetta verk með Votlendissjóð en notaðir eru léttir pallbílar við verkið í viðleitni sjóðsins til að valda sem minnstu óþarfa jarðraski en verkinu lauk núna um hádegi eins og fyrr segir.

Í Krísuvíkurmýri og Bleiksmýri hófst endurheimt á mánudag en henni lauk í hádeginu í Bleiksmýri en hafist verður handa á Krísuvíkurmýri í fyrramálið. Þar er um að ræða rétt um 60 hektara í landi Hafnarfjarðarbæjar. Þar verður endurheimt uppá um það bil 1100 tonn af CO2 ígildum á ári. Þar mun Votlendissjóður njóta atgervis verktakafyrirtækisins Ístaks.

Framundan eru svo framkvæmdir á jörðinni Kirkjubóli í Korpudal í Önundarfirði. Framkvæmdir á Kirkjubóli munu tryggja stöðvun á losun sem nemur 481 tonni á ári og því ber svo sannarlega að fagna. Það er fyrirtækið Suðuverk sem ætlar að framkvæma endurheimt á Kirkjubóli í samráði við landeigendur og Votlendissjóð en framkvæmdir hefjast þar í byrjun október en undirbúningur þeirra er hafin. Þar mun endurheimt sjóðsins og samstarfsaðila stöðva sem nemur útblæstri á um 240 fólksbílum.

Þá standa yfir framkvæmdir á jörðinni Hofi í Norðfirði en það gengu eigendurnir fram fyrir skjöldu og ákváðu að leggja sitt af mörkum til að draga úr losun gróðurhúsalofttegunda og framkvæma endurheimtina sjálf með fjárstuðning frá Votlendissjóði. Með þeirri aðgerð stöðva þau sem nemur árslosun frá 150-200 bifreiðum

Nokkrar nýlegar fréttir af okkur.

https://www.ruv.is/frett/faer-ekki-ad-fylla-upp-i-skurdi

https://www.frettabladid.is/frettir/slokkt-a-utblaestri-grodurhusalofttegunda-a-vid-thusund-folksbila/

Myndirnar með vélgröfunni eru frá Bleiksmýri í vikunni

Myndirnar með litla pallbílnum eru frá Bessastöðum í vikunni

votlendi

Upplýsingafundur um vottaða endurheimt votlendis.

Er tækifæri fyrir þig í endurheimt votlendis?

Votlendissjóður stöðvar sölu kolefniseininga þar til vottun er í höfn

Votlendissjóður stöðvar sölu kolefniseininga ﻿ þar til vottun er í höfn

Alþjóðleg vottun í vinnslu

Votlendissjóður tilnefndur til Umhverfisverðlauna Norðurlandaráðs.

Umhverfisverðlaun Norðurlandaráðs eru veitt starfsemi eða einstaklingi á Norðurlöndum sem sett hefur fordæmi með því að samþætta virðingu fyrir umhverfinu í starfi sínu, eða með því að sýna frumkvæði á annan hátt að sértækum aðgerðum umhverfinu til góða

Úttektar- aðilar eru fljótir að sjá í gegnum óvönduð vinnubrögð.

Landgræðslustjóri gerir alvarlegar athugasemdir við rannsókn á losun ræktarlands sem birt var á dögunum. Í grein sem hann birtir í Bændablaðinu segir hann "Úttektar- aðilar eru fljótir að sjá í gegnum óvönduð vinnubrögð." Greinina má lesa í heild sinni hér að neðan.

Votlendissjóður afhendir Vonina á alþjóðlegum degi jarðar

Í dag föstudaginn, 22 apríl afhend forseti Íslands, Guðni Th. Jóhannesson, „Vonina“, þakklætis-viðurkenningu Votlendissjóðs .

Ný stjórn Votlendissjóðs

Ný stjórn Votlendissjóðs ﻿ kom saman á sínum fyrsta stjórnarfundi síðasta mánudag.

Framkvæmdaleyfi fyrir næstu verkefni Votlendissjóðs

Síðustu daga hafa verið afgreidd tvö framkvæmdaleyfi fyrir framkvæmdir á vegum Votlendissjóðs ﻿

Sveitarstjórnir eru í lykilhlutverki

Votlendi njóta sérstakrar verndar sa mkvæmt náttúruverndarlögum

Námskeið fyrir vélaverktaka um endurheimt votlendis

Rýnihópur vélaverktaka með reynslu a f endurheimt votlendis kom að gerð námskeiðsins og sammældist um að námskeiðið væri afar gagnlegt .

Árskýrsla Votlendissjóðs og reikningar samþykktir

Árskýrsla Votlendissjóðs aðgengileg

Breytingar á stjórn Votlendissjóðsins

Ný stjórn var kjörin ársfundi Votlen dissjóðs 2022 þann 15. mars.

Brautryðjendum þakkað

Brautryðjendum þakkað ómetanlegt framlag t

Ársfundur Votlendissjóðs 2022

Ársfundur Votlendissjóðs 2022

Vetrarhátíð og Votlendissjóður vinna saman

LIFANDI VOTLENDI Í RÁÐHÚSI REYKJAVÍKUR

Ari Trausti Guðmundsson fjallar um Alþjóðlegan dag votlendis

VIÐ ERUM ÖLL Á SAMA BÁTI

Framkvæmdastjóri þróunarsviðs Orkunnar um samstarf Orkunnar og Votlendissjóðs

VON FYRIR VOTLENDIÐ

Umhverfis-, auðlinda- og orkumálaráðherra skrifar um votlendið

MÝRARNAR ERU MIKILVÆGAR

Alþjóðlegi votlendisdagurinn

Alþjóðlegi votlendisdagurinn er 2. f ebrúar

Svör við skrifum Björns Bjarnasonar um Votlendissjóð

This is a subtitle for your new post

Hidden Iceland fyrst til að kolefnisjafna akstur með nýrri lausn

Hidden Iceland fyrst til að kolefnis jafna akstur með nýrri lausn

Alþjóðleg vottun á kolefniseiningum

Stjórn Votlendissjóðs vinnur nú að því að fá alþjóðlega vottun á kolefniseiningum sem verða til við endurheimt votlendis á vegum Votlendissjóðs.

Framkvæmdastjóri og stjórnarmaður úr Votlendissjóði heimsóttu Cairngorms þjóðgarðinn í Skotlandi í síðustu viku.

Framkvæmdastjóri og stjórnarmaður úr Votlendissjóði heimsóttu í síðustu viku Cairngorms þjóðgarðinn í Skotlandi.

Ölgerðin og Verkís halda áfram að jafna hjá Votlendissjóði

Ölgerð Egils Skallagrímssonar og Ver kís kolefnisjafna 2020

Kolefnisjöfnun frádráttarbær að hluta

Framlag lögaðila er frádráttarbær til tekjuskatts

Vinna hafin í Fífustaðadal

Vinna hafin í Fífustaðadal við endurheimt

Stjórn Votlendissjóðs endurkjörin á Ársfundi sjóðsins

Stjórn Votlendissjóðs endurkjörin á Ársfundi sjóðsins í gær

Nemendafélag Flensborgarskóla styður Endurheimt Votlendis

Nemendafélag Flensborgarskóla styður Endurheimt Votlendis

Landgræðslan bauð stjórn Votlendissjóðs og formanni Loftslagsráðs í heimsókn

Stjórn Votlendissjóðs heimsótti mælingasvæði Landgræðslunnar

Ársfundur Votlendissjóðs 2021

Ársfundur Votlendissjóðs 2021

Samningur um endurheimt Brúarlands á Mýrum

Samningur um endurheimt Brúarlands á Mýrum

Ábyrg kolefnissjöfnun

Votlendissjóður tekur þátt í vinnu um ábyrga kolefnisjöfnun

Votlendissjóðurinn gengur í Festu

Votlendissjóðurinn orðin meðlimur í Festu , m iðstöð um samfélagsábyrgð og sjálfbærni

Góðir gestir í heimsókn

Góðir gestir í heimsókn

Askja kolefnisjafnar með endurheimt votlendis

Askja kolefnisjafnar með endurheimt votlendis ﻿

Orkan og viðskiptavinir stærstu bakhjarlar Votlendissjóðsins

Orkan og viðskiptavinir stærstu bakhjarlar Votlendissjóðsins

Forseti Íslands afhenti Vonina, þakklætis viðurkenningu Votlendissjóðs.

Forseti Íslands afhenti þakklætis viðurkenningu Votlendissjóðs.

Áratugur endurheimtar vistkerfa hafin hjá Sameinuðu þjóðunum

Ára tugur endurheimtar hafin hjá UN

Endurheimt votlendis lokið í Mosdal

Mos dalur endurheimtur á vetrarsólstöðum

Hversu lengi losar skurða­svæði kol­tví­sýring?

Grein 3 úr Fréttablaðinu eftir þær Þórunni Ingjaldsdótt u r og Ingunn i Agnes i Kro ﻿

Votlendissjóður stöðvar sölu kolefniseininga þar til vottun
er í höfn

Ný stjórn Votlendissjóðs kom saman á sínum fyrsta stjórnarfundi síðasta mánudag.

Síðustu daga hafa verið afgreidd tvö framkvæmdaleyfi fyrir framkvæmdir á vegum Votlendissjóðs

Askja kolefnisjafnar með endurheimt votlendis

Hversu lengi losar skurðasvæði koltvísýring?

Grein 3 úr Fréttablaðinu eftir þær Þórunni Ingjaldsdótt u r og Ingunn i Agnes i Kro